तनहुँ । तनहुँको शुक्लागण्डकी नगरपालिका ७ सेराटारमा यात्रुबाहक बस दुर्घटना भएको छ । मंगलबार विहान सुनौलीबाट पोखरा तर्फ जाँदै गरेको ना ५ ख ५३३० नम्वरको बस दुर्घटना हुदाँ ६ जना यात्रु घाईते भएको जिल्ला प्रहरी कार्यालय तनहुँले जानकारी दिएको छ ।

विहान २:४५ बजे पोखरा जाँदै गरेको बस अनियन्त्रित हुदाँ सडकबाट ५ फिट तल खसेको थियो ।

घाईते हुनेहरुमा भारतको उत्तर प्रदेश घर भई बाग्लुङ्गको काठेखोला गाउँपालिका ४ बस्ने ५४ बर्षीय मुनीराम महोरिया, उनकी श्रीमती ४८ बर्षीय कञ्चन मोहरियाका, म्याग्दी जिल्ला अन्नपूर्ण गाउँपालिका १ का ३० बर्षीय धनकुमार परियार, कपिलबस्तु जिल्लाका कपिलबस्तु नगगरपालिका ९ का ३९ बर्षीय रेशम शाह, पर्वतको कुश्मा नगरपालिका १ का ३६ वर्षका हरिबहादुर छन्त्याल र सोही ठाउँका १० बर्षीय रवि परियार रहेको प्रहरीले जनाएको छ ।

उनीहरुको टाउको, अनुहार र ढाड र हात लगायतामा चोट लागेको प्रहरीले जनाएको छ । घाईतेहरुको जिपी कोइराला राष्ट्रिय श्वास प्रश्वास उपचार केन्द्र बेलचौतारामा उपचार भईरहेको छ ।

बसमा ३५ देखी ४० जना यात्रु सवार रहेको प्रहरीले जानकारी दिएको छ । दुर्घटना लगत्तै फरार रहेका चालकको खोजी गरि घटनाबारे थप अनुसन्धान भईरहेको जिल्ला प्रहरी कार्यालय तनहुँका डिएसपी लिलाराज लामिछानेले जानकारी दिए ।