तनहुँ । तनहुँको डुम्रे बजारमा सीसीटीभी क्यामेराबाट निगरानी थालिएको छ । पृथ्वी राजमार्गमा पर्ने लमजुङ, मनाङ र गोरखाका अधिकांश भागको प्रवेशबिन्दु बजारको सुरक्षा बढाउनका लागि भन्दै तनहुँ उद्योग वाणिज्य संघ डुम्रे बजार एकाईले सीसीटीभी जडान गरेको हो ।
क्यामेराको उद्घाटन गर्दै बन्दीपुर गाउँपालिकाका अध्यक्ष पूर्णसिं थापाले डुम्रे बजार मात्र नभएर समग्र राजमार्ग र आसपासका क्षेत्रको सुरक्षाका लागि सीसीटीभीले भूमिका खेल्ने विश्वास व्यक्त गरे ।
गाउँपालिकाको प्रवेशबिन्दूका अलावा मनाङ, लमजुङ, गोरखा र पृथ्वी राजमार्ग हुँदै आवतजावत गर्ने केन्द्र भएका कारण डुम्रेमा रहेका क्यामेराले समग्र सुरक्षा निगरानीका लागि सघाउने उनले बताए ।
प्रहरी उपरीक्षक विनोद शिलवालले क्यामेरा जडानपछि प्रहरीलाई सुुरक्षा व्यवस्थापनमा सहयोग पुग्ने विश्वास व्यक्त गरे । उनले सीसीटीभीको स्थापनाका लागि बजार एकाईप्रति आभार प्रकट गर्दै सुरक्षा व्यवस्थापनमा यसको उपयोग गरिने बताए ।
तनहुँ उद्योग वाणिज्य संघका अध्यक्ष मानकाजी श्रेष्ठले व्यवसायिक सुरक्षाको कर्तव्य सम्झेर बजारका व्यवसायीले सीसीटीभी स्थापना गरेको भन्दै प्रशंसा गरे । उनले क्यामेराको निगरानी नहुँदा विगतमा ठूला घटना हुँदा समस्या परेकामा अब हट्ने अपेक्षा गरे ।
तनहुँ उद्योग वाणिज्य संघका प्रथम उपाध्यक्ष बैकुण्ठनाथ मिश्रले दमौलीमा आफ्नो नेतृत्वमा बजार एकाईले सीसीटीभी स्थापना गरिएको स्मरण गर्दै त्यसयता ठूला घटना दुर्घटनामा प्रहरीलाई अनुसन्धानमा मद्दत पुगेको बताए । उनले सीसीटीभीको सुरक्षा र सञ्चालनमा व्यवसायीको साथ निरन्तर आवश्यक पर्ने बताए ।
बजार एकाईका सभापति नेकमहमद मियाँले सवारी साधन र यात्रुको धेरै चहलपहल हुने भएकाले डुम्रे बजारमा सुरक्षा र निगरानीका लागि क्यामेरा जडान गरिएको बताए ।
बजारमा १५ वटा क्यामेरा जडान गरिएको छ । क्यामेराको नियन्त्रण कक्ष प्रहरी चौकी डुम्रेमा राखिएको छ । क्यामेरा जडान भए पनि ब्याकअप भने नभएका कारण विद्युत जाँदा रेकर्ड गर्न नसकिने देखिएको छ ।
एकाईका सचिव राम जोशीले थप श्रोत खोजेर विद्युत जाँदा पनि रेकर्ड हुने व्यवस्था मिलाउने बताए । एकाईले बन्दीपुर गाउँपालिकासहित व्यवसायीबाट संकलित चन्दा गरी ७ लाख २३ हजार रुपैयाँमा क्यामेरा स्थापना गरिएको बताएको छ ।
सम्बन्धित खबर
स्याङ्जामा एक वर्षमा १४ वटा जबर्जस्ती करणीका मुद्दा दर्ता, अधिकांश पीडित बालिका
दोश्रो ईन्टर स्कूल ब्याण्ड कम्पिटिशनको उपाधि गुरुकुल विद्या सदनलाई
टान गण्डकीको अध्यक्षमा कृष्णप्रसाद आचार्य
पोखरा वडा नं. १५ मा बृहत् सरसफाइ अभियान [तस्वीरहरू]
गुप्तेश्वर गुफाको संरक्षण र विकासका लागि सामूहिक प्रयासको खाँचोः प्रदेश प्रमुख भट्ट
वैकल्पिक पदमार्गहरुको पहिचान र विकास गर्न आवश्यक छः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग