तनहुँ । नेपाल बङ्गलादेश बैंक लिमिटेड दमौली शाखाले २५औ वार्षिकउत्सब तथा विश्व वातावरण दिवसको अवसरमा वृक्षारोपण रोपण गरेको छ ।

व्यास १ भादगाउँमा सामाजिक उत्तरदाहित्व बहन गर्दैै बैंकले वृ क्षारोपणतथा पानिको जार र डिस्पेन्सर संगै ट्रिगार्ड वितरण गरेको हो ।

बैकले निर्मल मावि र आदिकवि क्याम्पसमा गरि ७१ वटा विभिन्न बिरुवा रोपिएको थियो । बकाइनो, असोका, आप, गुल्मर लगाएतको विरुवा रोपिएको बैंकले जनाएको छ ।

निर्मल माविका प्रअ गणेश चन्द्र बस्नेतको सभापतित्वमा सम्पन्न समारोहका प्रमुख अतिथि व्यास-१ का वडा अध्यक्ष खर सिं दरैले बृक्षारोपण गरी कार्यक्रमको शुभारम्भ गरेका थिए ।

प्रमुख अतिथि वडाअध्यक्ष खर सिं दरैले बैकले गरेको सराहनिय कामको मुक्त कण्ठले प्रशंसा गदै आगामि दिनहरुमा साथमा साथ मिलाएर अगाडि बढ्नु पर्ने बताए ।

विद्यार्थी लाई समेत सहभागी गराएर वृक्षारोपण गराउदा प्रकृति संग नजिक बनाउने उनले बताए । वृक्षारोपणले वातावरणीय प्रदुषण घटाउन सहयोग गर्ने दरैले बताए ।

साथै उक्त कार्यक्रममा बैकको तर्फबाट शाखा प्रबन्धक सुमन सुबेदिले बैकको २५ बर्षे यात्राको बारेमा वर्णन गर्दे यस्ता सामाजिक कार्यक्रमहरुलाई निरन्तरता दिने बताएका थिए ।

कक्षाकोठामा विद्यार्थीहरु सहज रुपले खानेपानी पिउने व्यवस्थाको लागी बैंकले विद्यालय लाई १५ थान पानिको जार र डिस्पेन्सर वितरण गरेको नेपाल बङ्गलादेश बैकका शाखा प्रबन्धक सुमन सुबेदिले बताए । त्यस्तै बैंकले ४ थान ट्रिगार्ड समेत वितरण गरेको छ ।

साथै बैकले आदिकबि भानुभक्त क्याम्पसको परिसरमा रहेको शहिद चन्द्र नेपाली छात्राबासमा पनि बृक्षारोपण गरेको थियो । उक्त कार्यक्रममा विद्यालय व्यस्थापन समित, शिक्षक अभिभावक सघंका पदाधिकारि लगायत विद्यार्थिहरुको कार्यक्रममा उपस्थितिमा रहेको थियो ।

बैकले २०७५ भाद्र १० गतेबाट व्यास ४ दमौलीमा शाखा खोलि सम्पुर्ण सर्वसाधारणलाई सहज बैंकिङ्ग सेवा सुविधा प्रदान गर्दै आइरहेको छ । बैंकले यस क्षेत्रका सर्वसाधरणलाई सहज बैंकिङ्ग सेवा सुविधा प्रदान गर्ने उदेश्यले छिट्टै व्यास १ मनकामना चोकबाट पनि एटिएम मेसिनका साथ एक्सटेन्सन काउन्टर खोलि सम्पुर्ण बैंकिङ्ग सुविधा प्रदान गर्ने जनाएको छ ।

हाल बैंकले ९० शाखा, ७ एक्सटेन्सन काउन्टर, तथा ७२ वटा एटिएमबाट बैंकिङ्ग सुविधा दिंदै आएको छ ।