श्यामशितल परियार, लमजुङ । लमजुङको सुन्दरबजार नगरपालिका–८, बलिथुममा पहिलोचोटी बस पुगेको छ । डुम्रे–बेसीशहर सडकखण्डमै पर्ने रामदी पेट्रोलपम्पदेखी कटहरबोटे हुँदै बलिथुम बरबोटसम्मको सडक स्तरोन्नती भएसंगै शुक्रबार ग १ ख ४००७ नम्बरको बस पहिलोचोटी गाउँ पुर्याइएको हो ।
सुन्दरबजार नगरपालिकाका मेयर जनकराज मिश्रले रामदीमा रिवन काटेर बस सेवा शुभारम्भ गरेका हुन् । रामदीदेखी बलिथुमसम्मको दूरी झण्डै ४ किलोमिटर रहेको छ ।
यस ग्रामीण सडकको स्तरोन्नतीका लागि सुन्दरबजार नगरपालिकाले गत आर्थिक वर्ष र यस चाुल आर्थिक वर्षमा गरी १३ लाख ३५ हजार रुपैयाँ बजेट सहयोग गरेको सडक उपभोक्ता समितिका अध्यक्ष कृष्णबहादुर अधिकारीले जानकारी दिए ।
सुविधाको खोजीमा गाउँ छोडी बलिथुमबाट अन्यत्र बसाइ सरी जानेको संख्या बढ्दै गएको सुन्दरबजार नगरपालिका–८, का वडाअध्यक्ष कृष्णकान्त अधिकारीले बताए ।
विस्तारै गाउँमा पूर्वाधारको विकास गरिदैँ लगिएको र गाउँ छोडी अन्यत्र गएका पनि गाउँमा फर्किनसक्ने उनको भनाइ छ। गाउँमा पहिलोचोटी बस आउँदा स्थानीय भने दंग छन् ।
उनीहरुले जनप्रतिनिधि, उपभोक्ता समितिका पदाधिकारी, बस चालकलाई स्थानीयले फूलमालाले सम्मानित गरेका थिए । गाउँसम्म बस आउँदा एकदमै खुशी लागेको स्थानीय गिरबहादुर विकले बताए ।
‘गाउँमा बस आउँदा हामी सबै एकदमै खुशी छौँ । निरन्तर बस चलोस भन्ने हाम्रो चाहना छ,’ उनले भने । निरन्तर यातायातको सेवा सञ्चालनका लागि बाटोको स्तरोन्नतीका लागि सम्वन्धित नियकाले दिल खोलेर सहयोग गरोस् भन्ने आफुहरुको चाहना रहेको स्थानीय लोक गिरीले बताए ।
सम्बन्धित खबर
अर्जुनचौपारीमा राष्ट्रिय भलिबलका कप्तान श्रेष्ठलाई सम्मान
वर्षाले पोखरा-मुग्लिन सडक विस्तार कार्य प्रभावित
लमजुङमा बालिकालाई जबर्जस्ती करणी गर्न खोज्ने पक्राउ
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग