राष्ट्रिय लोक तथा दोहोरी गीत प्रतिष्ठान नेपाल, कास्कीको सातौँ अधिबेशनबाट टेक क्षेत्रीको अध्यक्षतामा नयाँ कार्यसमिति चयन भएको छ ।

सर्वसम्मत चयन भएको समितिमा प्रथम उपाध्यक्षमा ज्ञानेश्वर सुबेदी, द्वितिय उपाध्यक्षमा तुलसा क्षेत्री, महिला उपाध्यक्षमा जुना क्षेत्री, सचिबमा माधब चापागाई, सहसचिबमा मधु चापागाई, कोषाध्यक्षमा सबिना गुरुङ र सहकोषाध्यक्षमा रीता कुँवर चयन भए ।

यस्तै, प्रवक्तामा परशुराम अधिकारी, सदस्यहरुमा गोबिन्द कोइराला, दिपक अधिकारी, सुनिल गायक, दुर्गा क्षेत्री, प्रकाश बराल, नारायण सुनार, नबराज अधिकारी, दिवाकर भण्डारी, बिनोद बिश्वकर्मा, गंगा त्रिपाठी र सुरेश भुर्तेल चयन भए ।

निबर्तमान अध्यक्ष प्रेमराज अधिकारीको अध्यक्षतामा भएको कार्यक्रममा प्रमुख अतिथि केन्द्रिय अध्यक्ष बद्री पंगेनी, पूर्व केन्द्रीय अध्यक्षहरु प्रजापति पराजुली, पुरुषोत्तम न्यौपाने, दुर्गा रायमाझी, वरिष्ठ उपाध्यक्ष रमेश बिजी लगायतले बोलेका थिए ।

सो अवसरमा कास्कीका पूर्व अध्यक्षहरु लगायत सहयोगीहरुलाई सम्मान समेत गरिएको थियो ।