पोखरा । पछिल्लो पटक युट्युबमा मन पराइएको स्ट्याण्ड अप कमेडी शो यसका पारखीहरुले पोखरामा प्रत्यक्ष हेर्न पाए । स्ट्यान्ड अप कमेडी क्लब पोखराले पहिलो पल्ट पोखरामा स्ट्यान्ड अप कमेडी शोको आयोजना गरेको हो । शुक्रबार लेकसाइड स्थित अल्टिट्युड रेष्टुरेन्ट एण्ड बारमा बेलुकी ७ बजेबाट शो गरिएको सुन्दर सुवेदीले जानकारी दिए ।

पोखरेली युवायुवतीहरु कुशल बास्तोला, बिबेक गुरुङ, समिर लामिछाने, रेखा क्षेत्री, जिवन सुवेदी, प्रशान्त पन्त, विनिता बराल, सुन्दर सुवेदीले आफ्नो प्रस्तुति राखे । विशेषतः टिनएजर्शले रुचाएको यो शो पोखरामा पहिलो पटक आयोजना हुँदा दर्शकको साथ पनि उत्तिकै रह्यो । यी प्रस्तुतिलाई युट्युबमार्फत सार्वजनिक गर्ने तयारी भइरहेको छ ।

आफुहरुले पहिलो पल्ट पोखरामा स्ट्यान्ड अप कमेडि को आयोजना गरेको र दर्शकको साथ र सहयोगले आफुहरुलाई थप ऊर्जा मिलेको आयोजक स्ट्यान्ड अप कमेडी क्लब पोखराका संयोजक सुन्दर सुवेदीले बताए ।  सुवेदीले आउने दिनमा अझै बढी सुधार गरी लोभलाग्दो प्रस्तुतिका साथ आउने पनि प्रतिबद्धता जनाए । शोको Online Partner मा गण्डकन्यूज डटकमले सघाएको छ ।

http://gandaknews.com/stand-up-comedy/