तनहुँ । प्रथम जिल्ला स्तरीय ठकुरी नृत्य प्रतियोगिताको उपाधी आयोजक नेपाल ठकुरी दर्शन युवा क्लवले हात पारेको छ । क्लवले प्रथम हुदैँ २० हजार नगदका साथै प्रमाणपत्र हात पारेको छ ।
नेहा शाही, भावना मल्ल, मुना मल्ल र राजेश्वरी खाँणको प्रस्तुतिले फोटोसँगै… भन्ने बोलको गीतमा गरेको नृत्यले उनीहरुलाई प्रथम बनाएको हो ।
त्यस्तै प्रतियोगितामा एकता ठकुरी समाज बेलचौतारा द्वितीय, नेपाल ठकुरी समाज भिमाद तृतीय र शिवालय ठकुरी समाज शुक्लागण्डकी सान्त्वना भएको नेपाल ठकुरी समाज तनहुँकी सचिव गीता शाही ठकुरीले जानकारी दिइन् ।
विजेता टिमले क्रमशः १३ हजार, ८ हजार र ४ हजार रुपैयाँ नगदका साथै प्रमाणपत्र प्राप्त गरेका छन् । ठकुरी युवाहरुमा अन्तरनिहित प्रतिभालाई प्रस्फुटन गराउने उद्देश्यले नेपाल ठकुरी दर्शन युवा क्लवको आयोजना तथा नेपाल ठकुरी समाज व्यास नगर इकाईको सहआयोजनामा गरिएको प्रतियोगिताको अध्यक्षता क्लवका अध्यक्ष विरेन्द्र शाहीले गरेका थिए ।
‘भाषा,कला र संस्कृति हाम्रो पहिचान सबै ठकुरीलाई एकबद्ध बनाउने हाम्रो अभियान’ भन्ने मुल नाराका साथ उक्त प्रतियोगिता आयोजना गरिएको अध्यक्ष शाही बताए । प्रतियोगिता नेपाल ठकुरी समाज महासंघका उपाध्यक्ष टुकबहादुर हमालले उद्घाटन गरेका थिए ।
जिल्लामा ठकुरी समाजको २८ वटा इकाईहरु भएपनि प्रतियोगितामा भने नौ इकाईको सहभागिता रहेको थियो ।
ठकुरी समाज तनहुँका अध्यक्ष मुमबहादुर वंशी, भिक्टोरिया डान्स स्कुलका निर्देशक सर्जन थापा र चलचित्र निर्देशक साजन गरुङ निर्णायक रहेका थिए । कार्यक्रमको संचालन क्लबकी सचिव अलिशा वंशी गरेकी थिइन ।
सम्बन्धित खबर
मुग्लिन–पोखरा सडक विस्तार: म्याद सकियो तर काम सकिएन
तनहुँमा बुवाको हत्या आरोपमा छोरा पक्राउ
पोखरा आउँदै गरेको कार तनहुँमा दुर्घटना, चार जना घाइते
तनहुँमा धारिलो हतियार प्रहार गरी श्रीमतीको हत्या
भिमादमा आयोजित मगर भाषा–लिपि तथा संस्कारसम्बन्धी पाँच दिने प्रशिक्षणको समापन
तनहुँमा रोकिराखेको बसमा कार ठोक्कियो, पोखराका ३ युवा घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग