Gandak News
Our News Your Views
sag adv
Lets

नवलपुरको कावासोतीमा महिलाको मृत्यु, पहिचान खुलेन

Loading...

पूर्वी नवलपरासीको कावासोती नगरपालिकामा बेवारिसे अवस्थामा बस्दै आएकी महिलाको मृत्यु भएको छ । कावासोती नगरपालिका वडा नम्बर १६ बाइस घरेमा बन्दै गरेको नयाँ घरमा एक्लै बस्दै आएकी जमुना नाम बताउने नाम, थर, वतन नखुलेको महिलाको उपचारको क्रममा चितवन सरकारी अस्पतालमा मृत्यु भएको नवलपुर प्रहरीले जानकारी दिएको छ ।

यही भाद्र २ गते सोमबार अचानक बिरामी परेकी ति महिलाको स्थानीय र प्रहरीको सहयोगमा स्थानीय मेडिकलमा उपचार नसेपछि भरतपुर रिफर गरिएको थियो । हालसम्म महिलाको सनाखत हुन हुन नसकेको प्रहरीले जनाएको छ ।

बसको ठक्करबाट साइकल यात्रीको मृत्यु

यसैबीच,  मध्यविन्दु नगरपालिका चोरमारामा आज विहान बसको ठक्करबाट एक जनाकोे मृत्यु भएको छ भने एक जना घाइते भएका छन । काठमाडौंबाट महेन्द्रनगर तर्फ जाँदै गरेको ना ५ ख ४८६ नम्बरको बसले ठक्कर दिदा साइकल यात्री भारतको मोतिहारी बलुवा घर भई हाल मध्यविन्दु नगरपालिका ७ चोरमारा बजारमा प्लाष्टिकको पसल गरी बसेका ३६ बर्षीय मोहम्मद साहबिर आलमको मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक अर्जुन रानाभाटले जानकारी दिए । गम्भीर घाइते आलमको मध्यविन्दु जिल्ला अस्पताल डण्डामा उपचारको क्रममा मृत्यु भएको हो ।

सोही बसको ठक्करबाट ना ४५ प २१०७ नम्बरको मोटरसाइकल चालक मध्यविन्दु नगरपालिका ७ निवासी ४८ बर्षीय भानुभक्त पंगेनी घाइते भएका छन् । घाइते पंगेनीको मध्यविन्दु जिल्ला अस्पताल डण्डामा उपचार भईरहेको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको