संखुवासभा । नेत्रबिक्रम चन्द (विप्लव) नेतृत्वको नेकपाको कोशी ब्यूरो संयोजकसहित चार कार्यकतालाई बुधबार जिल्ला अदालत चैनपुरमा हाजिर गराइएको छ । सुनसरी जिल्ला अदालतमा धरौटी बुझाएर जेलमुक्त भएका बिप्लवका चार कार्यकर्ता पुन पक्राउ गरेर संखुवासभा ल्याइएको छ ।

प्रहरीले विप्लवका कोशी व्युरो संयोजक घनश्याम श्रेष्ठ(पुष्कर), मोरङ जिल्ला इन्र्चाज कृष्णकुमार श्रेष्ठ, ब्यूरो सदस्य माधब गौतम र रमेश खड्कालाई मंगलबार संखुवासभा ल्याइएको प्रहरीले जनाएको छ । विप्लवका चारै जना कार्यकताले धरौटी बुझाएर जेल मुक्त्त भएपनि प्रहरीले पुन पक्राउ गरेर संखुवासभा ल्याएको हो । सुनसरीको झुम्का कारावारबाबाट मुक्त्त भए लगत्तै प्रहरीले पक्राउ गरेर संखुवासभा ल्याएको स्रोतको भनाइ छ ।

उनीहरुलाई गत बैसाखमा अबैध हातहतियार र राजद्रोह र संगठित अपराधको मुद्दामा जनही ५० हजार धरौटी तोकेको थियो । प्रहरीले ब्युरो संयोजक ओखलढुंगाका घनश्याम श्रेष्ठ र काभ्रे घर भएका व्युरो सदस्य माधब गौतमलाई १० चैत २०७५ मा मोरङको कानेपोखरी बाट पक्राउ गरेको थियो । यसैगरी भोजपुर घर भएका मोरङ जिल्ला इञ्र्चाज कृष्णकुमार श्रेष्ठलाई १२ चैतमा सुन्दरहरैचाबाट र रमेश खड्कालाई सुनसरीको इटहरी बाट पक्राउ परेको थिए। प्रहरीले फागुन १५ गते हतियारसहित पाँचथरका देबकुमार साँवा लिम्बूलाई पक्राउ गरेको थियो। प्रहरीले उनीहरु माथि अरुण तेस्रो जलविद्युत् आयोजनामा बम विष्फोट र आगजन गरेको मुद्धा दर्ता गर्न बुझिएको छ ।

संखुवासभा बाट एक कार्यकता पक्राउ
प्रहरीले नेत्रबिक्रम चन्द (विप्लव) नेतृत्वको नेकपाका एक कार्यकता पक्राउ गरेको छ । संखुवासभा प्रहरीले पाँचखपन नगरपालिकाका छिरिङ भोटेलाई पक्राउ गरेको बताएको छ । विप्लव कार्यकता छिरिङलाई प्रहरीले भदौ ८ गते पक्राउ गरेको जनाएको छ । विप्लव कार्यकता छिरिङलाई ९ सय मेगावटको अरुण तेस्रो जलविद्युत् आयोजनामा बम विष्फोट र अबैध हातहतियार ओसारपसारको मुद्धा लागेको छ ।