तनहुँ । तनहुँको दमौलीमा श्री कृष्ण दल गण चापाघाट, जिल्ला प्रहरी कार्यालय, व्यास नगरपालिका, कालिका शहिद शान्ति पार्क व्यवस्थापन समिति लगायतको संयुक्त सहभागितामा बाजागाजा सहित फूलपाती भित्र्याएको छ । व्यास-४ को तनहुँ कालिका मन्दिरमा हरेक वर्षफूलपाती भित्र्याउने गरिन्छ ।
बडादशै पर्वको आज सातौ दिन अर्थात सप्तमी । यस दिनलाई फूलपाती पनि भनिन्छ । दुर्गा पक्षअर्न्तर्गत आश्विन शुक्ल सप्तमीका दिन मनाइने फूलपाती पर्व आज घरघर तथा देवालयहरुमा शास्त्रीय विधिअनुसार शुभ साइतको प्रतीक फूलपाती भित्र्याइएको छ ।
नेपाली सेना र प्रहरी कार्यालयबाट ल्याइएको फूलको डोली बाजागाजा सहित दमौली बजारको परिक्रमा गरिएको थियो । उक्त फूलको डोली सहित सहभागि भएका तनहुँ क्षेत्र नं. १ का प्रतिनिधि सभा सदस्य कृष्णकुमार श्रेष्ठ किसान, व्यास नगरपालिकाका मेयर बैकुण्ठ न्यौपाने, प्रमुख जिल्ला अधिकारी रुद्रप्रसाद पण्डित, कृष्ण दल गणका प्रमुख, जिल्ला प्रहरी कार्यालय तनहुँका प्रमुख लगायतले व्यास-३ को विपि वनवाटीकामा रहेको वेलको फेदमा विधिपूर्वक पूजा अर्चना गरेका थिए ।
वेलको पूजा अर्चाना पश्चात पुनः दमौली बजार हुँदै व्यास-४ को कालिका शहिद शान्ति पार्कमा रहेको तनहुँ कालिका मन्दिरमा लगि विधिपूर्वक फूलपाती भित्र्याइएको छ ।
घटस्थापनाका दिनदेखि वैदिक विधिपूर्वक दुर्गालाई आव्हान गरी पूजाआजा गरिएको दशैँघर अथवा पूजाकोठामा शुभ साइतको प्रतीकका रुपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्र्याउने परम्परा छ ।
नवपत्रिकाको नामले समेत चिनिने फूलपाती नौ देवीको प्रतीकका रुपमा भित्र्याई शास्त्रीय विधिअनुसार शक्तिको आराधनाका साथ पूजा गर्ने वैदिक विधि रहदै आएको छ ।
केरामा ब्रहृमाणी, दारिममा रक्तदन्तिका, धानमा लक्ष्मी, हलेदोमा दुर्गा, मानवृक्षमा चामुण्डा, उखुमा कालिका, बेलपत्रमा शिवा, अशोकमा शोकरहिता र जयन्तीमा कात्तिकी देवीको आवाहन गरी पूजा गरिन्छ, यी देवी नवदुर्गाका पार्ष् अर्थात् सहायक मानिन्छ ।
फूलपाती भित्र्याएसंगै तनहुँमा दशैं पर्वको रौनकता थप बढेको छ । तनहुँ कालिका मन्दिर नेपाल सरकारले सुचिकृत गरेको १०० पर्यटकीय स्थलमा समेत परेको छ । मन्दिर निर्माण कार्य जारि रहेको निर्माण समितिले जनाएको छ ।
सम्बन्धित खबर
पोखरा १० द्वारा वडा भित्रका सामुदायिक विद्यालयलाई स्टेशनरी वितरण
पोखरामा सहकारी पीडितको र्यालीः ‘जीबी राई कहाँ छ, रवि दाइलाई थाहा छ’
गण्डकीको मुख्यमन्त्री नियुक्ति विरूद्धको मुद्धामा बहस सकिएन, अर्को पेसी वैशाख १७ गते
बिरौटामा जुवातास खेलिरहेका ४ जना नगदसहित पक्राउ
गोरखा अस्पतालमा एक महिनादेखि मलद्वारमा अड्किएको बोतल शल्यक्रिया गरेर निकालियो
‘इतिहास शक्ति र सत्तामा रहेकाको मात्रै लेखिनुपर्छ भन्ने छैन’
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग