पोखरा । सबैभन्दा ठूलाे दल नेपाल कम्युनिष्ट पार्टी (नेकपा) ले तत्कालीन पर्यटन मन्त्री रवीन्द्र अधिकारी जनप्रतिनिधि रहेकाे क्षेत्र कास्की – २ मा उनकै पत्नी विद्या भट्टराईलाई चुनावी मैदानमा उभ्याएकाे छ ।

कास्की २ रवीन्द्र अधिकारीले ह्याट्रिक जित हात पारेकाे क्षेत्र हाे । ५ वर्षका लागि रबिन्द्र नै प्रतिनिधि रहेकाे ठाउँमा अब बाँकी याेजना पूरा गर्न आफू तयार बनेर चुनावमा हाेमिएकाले जित सुनिश्चित रहेकाे उनकाे विश्वास छ । विद्यार्थी राजनीतिबाट उदाएकी भट्टराई २०५६ मा अधिकारीसँग बिहे गरेपछि क्रमश: पर्दा पछाडि पुगिन् । ठ्याक्कै २० वर्षपछि परिस्थितिले राजनीतिक मैदानमा उतारेकाे उनकाे ठम्याईछ छ ।

चुनावी घरदैलोमा व्यस्त रहेकी उम्मेदवार भट्टराईले सोमबार बिहान बिग एफ एमसँगको कुराकानीमा कसैलाई नपिरी, नचिढ्याई, गाली नगरी सबैकाे प्यारा भएर रवीन्द्रले जसरी जिते, उसैगरि काेहि प्रतिष्पर्धी पार्टी र उम्मेदवारलाई गाली नगरी चुनावी अभियान जारी राखेकाे बताईन् । दुई पार्टी एक भएर चुनावी अभियानमा हाेमिएकाले घात अन्तर्घात हुनेकुरा कल्पना समेत नगरेकाे उनकाे भनाई छ ।

रवीन्द्रकै समकालीन गगन थापाले कास्कीका चुनावी सभाहरूमा बिरासतकाे राजनीतिकाे नाममा अराजनीतिक टिप्पणी गरेकाेमा उनकाे गुनासाे छ । ‘विद्या भट्टराईकाे राजनीतिक जीवन र याेगदानबारे थाहा पाउन म गगन थापाजीलाई आग्रह गर्दछु,’ उनले भनिन्, ‘म रवीन्द्र पत्नी भएकाे कारण मात्र पार्टीले अघि सारेकाे हाेइन । म आफै सक्षम छु ।’

काँग्रेसले सेताे सारी र आँशुको राजनीति गरेकाे आरोप लगाईरहँदा उनले आफू सक्षम रहेकाे भन्दै ३० वर्षदेखि राजनीतिमा अनवरत रहेकाे बताईन् । रवीन्द्रलाई राष्ट्रिय राजनीतिमा अग्रपंक्तिमा लैजान सहयाेग पुर्याउन पर्दापछाडि रहेपनि राजनीतिबाट अलग नभएकाे स्पष्ट पारिन् ।

नेकपाकाे दुई तिहाई बहुमत सरकार, पत्नी स्वयं राष्ट्रपति हुँदासमेत २६ वर्षदेखिकाे मदन आश्रित हत्याकाण्ड रहस्यमै छ भन्ने आरोप जनस्तरबाट आईरहँदा रबिन्द्रकाे आत्मा शान्ति र न्यायकाे लागि तपाईंकाे तर्फबाट कस्ताे प्रयास रहनेछ भन्ने प्रश्नमा उनले भनिन्, ‘वाइडबडीमा रवीन्द्रकाे ठाउँमा जाे मन्त्री पुगेपनि उही आरोप लाग्थ्याे, म यो दाग हटाउन मेरो तर्फबाट जेजे गर्नुपर्छ गर्छु ।’

उनले फिर्के खाेलाकाे मापदण्डबारेमा सराेकारवालाकाे मागबारेमा कानुनअनुसार व्यवहारिक ढंगले समाधान गर्ने गरि प्रतिबद्ध भएकाे स्पष्ट पारिन् ।

https://www.facebook.com/bigfmpokhara/videos/2486804258232489/