काठमाडौँ । १३औं दक्षिण एसियाली खेलकुद प्रतियोगिता (साग) को उद्घाटन सत्रमा हुने मार्चपासमा नेपालको झण्डा नेपाली राष्ट्रिय क्रिकेट टोलीका पूर्व कप्तान पारस खड्काले बोक्ने भएका छन् ।
पारसले देशको लागि पु-याएको योगदानलाई कदर गर्दै सागमा नेपालको झण्डा बोक्ने अवसर प्रदान गरिएको नेपाली राष्ट्रिय टिम तयारी समितिले जनाएको छ । पारसले एक महिना अघि मात्र कप्तान पदबाट राजीनामा दिएका थिए ।
‘खेलाडीले खेल जीवनमा प्राप्त गरेको सफलता र देशको शीर उच्च बनाउन पु-याएको योगदानको आधारमा ठूला खेलकुद प्रतियोगितामा देशको नेतृत्व गर्दै झण्डा बोक्न दिइन्छ । यसपटक त्यो अवसर क्रिकेटर पारसलाई प्रदान गरिनेछ । ‘झण्डा बोक्नका लागि तयारी समितिले समारोह समितिमा पारसको नाम पठाएको छ,’ राष्ट्रिय टिम तयारी समितिका संयाजक रिमबहादुर रानाभाटले भने । रानाभाट १३औं सागको डेपुटी सेफ द मिसन पनि हुन् ।
पारसकै कप्तानीमा नेपालले सन् २०१४ को टी–२० विश्वकप क्रिकेट खेलेको थियो । उनकै कप्तानीमा नेपालले डिभिजन पाँच हुँदै एकदिवसीय राष्ट्रको मान्यता पाएको हो । यसैगरी सागको ओलम्पिक फ्लेम बाल्ने अवसर कीर्तिमानी तेक्वान्दो खेलाडी दीपक विष्टलाई दिइने बताइएको छ । नेपाल राष्ट्रिय तथा अन्तर्राष्ट्रिय खेलाडी संघले दीपकको नाम समारोह समितिमा पठाएको जनाएको छ । दीपक सागमा सर्वाधिक चार स्वर्ण विजेता खेलाडी हुन् ।
सागको उद्घाटन आइतबार अपरान्ह ५ः०० बजे दशरथ रंगशालामा राष्ट्रपति विद्यादेवी भण्डारीले गर्नेछिन् । सागको उद्घाटन भव्य हुने राष्ट्रिय खेलकुद परिषद (राखेप) ले जनाएको छ । सागको उद्घाटन सत्रमा १५ हजार कलाकारले संघीय नेपालको सातवटै प्रदेशको कला र संस्कृति झल्कने प्रस्तुति दिनेछन् ।
सम्बन्धित खबर
एसईईको तयारी पूरा
पोखरा -१५ ठूलीमजुवामा मोटरेबल पुलको शिलान्यास
सार्वजनिक जग्गा र खुल्ला चौरको सदुपयोग गर्न पोखरा १५ मा एकैदिन ६ व्यायामशालाको उद्घाटन
पोखरा–१४ को शिवालय मन्दिर पुनःनिर्माण, सांसद केसीले गरे उद्घाटन
पोखराको पृथ्वीचोकबाट जुवातास खेल्दै गरेका ७ जना झन्डै १ लाख नगदसहित पक्राउ
गण्डकीमा नयाँ सरकार बन्न सकस, एमाले-माओवादीमात्रै अपुग
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग