पोखरामा रहेका दोहोरी साँझमध्ये फराकिलो, सफा, ग्राहकमैत्री दोहोरी साँझका रुपमा गाउँशहर दोहोरी साँझले आफूलाई अगाडि सारेको छ । पोखराको चिप्लेढुंगा स्थित आरके बिल्डिङमा गत साउन तेस्रो हप्तादेखि नै सेवा सुरु गरेको दोहोरी साँझले सप्ताहव्यापी रुपमा औपचारिक शुभारम्भ गरेको छ ।
यही फागुन २१ गतेदेखि २७ गतेसम्म श्रष्टा सम्मान लगायतका कार्यक्रम गरिरहेको सञ्चालक दिनेश केसीले जानकारी दिए । विदेश तथा स्वदेशमा श्रम गरी आफूलाई व्यवसायीका रुपमा उभ्याइसकेका युवा व्यवसायीहरु चन्द्र बहादुर गुरुङ, दिनेश केसी, डम्बर गुरुङ, निशान केसी र सुमन केसीले झण्डै सवा करोड लगानी गरी यो दोहोरी साँझलाई अगाडि बढाएका हुन् ।
दोहोरी साँझमा नियमित गायकगायिकामा सुमन केसी, भानु पौडेल, कृष्ण पौडेल, राज विश्वकर्मा तथा कृष्णा गुरुङ, काजल गुरुङ, कल्पना खड्का, रेश्मा तामाङ, निरु पुन, मिरा थापा मगर, ऋतु सुनार, उर्मिला बुढा ‘प्रिति’, सिमरन ‘बुनु’ रहेका छन् ।
आकर्षक रुपमा डेकोरेशन गरिएको दोहोरी साँझमा पुगेर गायकगायिकासँग गीत र नृत्यमा झुमेर दिनभरीका थकान मेट्न सकिने ठाउँ बनेको छ गाउँशहर दोहोरी साँझ ।
शुभारम्भका अवसरमा श्रष्टाहरु प्रजापति पराजुली, पुरुषोत्तम न्यौपाने, दुर्गा गुरुङ, जीवन दाहाल, तारानाथ आचार्य, शंकर विरही गुरुङ, चोलेन्द्र पौडेल, सुरेन्द्र गुरुङ, राजन कार्की, टेक क्षेत्रीलाई नेपाली लोकदोहोरी क्षेत्रमा पु¥याएको योगदानको उच्च मूल्यांकन गर्दै सम्मान समेत गरिरहेको छ ।
शुभारम्भका अवसरमा ग्राहकका लागि कम्प्लिमेन्ट्रीको व्यवस्था राखिएको छ । एकैपटक डेढ सय जनालाई सेवा प्रदान गर्न सक्ने सञ्चालक केसीले बताए ।
सम्बन्धित खबर
मौलिकता जोगाएर नेपाली गीत संगीतको संरक्षण र विकास गरिनुपर्दछः प्रदेश प्रमुख भट्ट
प्रथम गल्याङ कपको उपाधिका लागि पर्वत र स्याङ्जा फाइनल भिड्ने
तनहुँमा बुवाको हत्या आरोपमा छोरा पक्राउ
गण्डकी प्रदेशसभाको बैठक अनिश्चितकालका लागि स्थगन
गण्डकीका बिनाविभागीय मन्त्रीले पाए जिम्मेवारी: चुमानले अर्थ र मनाङेले भौतिक मन्त्रालय
गायिका एवं उद्यमी शान्तिले गरिन् बुटिकको शाखा विस्तार
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग