Gandak News
Our News Your Views

पर्वतमा पनि चितुवा आतंकः खुर्कोटमा दिउँसै आक्रमण गर्दा ७१ बर्षिय बृद्ध घाइते

तनहुँमा चितुवा आतंकले ज्यान जानेको संख्या दर्जन पुग्न लागिसक्यो । कास्कीमै एक जनाले ज्यान गुमाए । स्याङ्जामा बालक मुस्किलले बचे । पर्वतमा पनि चितुवाले दिउँसै बृद्धमाथि आक्रमण गरेको छ ।

पर्वतको कुस्मा नगरपालिका वडा नं २ खुर्कोटमा चितुवाको आक्रमणबाट एक जना बृद्ध घाइते भएका हुन् ।
कुस्मा नगरपालिका २ खुर्कोट तीन मुरे बस्ने ७१ बर्षिय बृद्ध शेषकान्त शर्मा चितुवाको आक्रमणबाट घाइते भए ।

घर नजिकैको बनमा घाँस काट्न गएको बेला मंगलबार दिउँसो बृद्ध शर्मालाई चितुवाले आक्रमण गरेको थियो । आक्रमणबाट हात लगायतका ठाउँमा चोट लागेको र आफू भिरबाट खसेपछि चितुवा भागेको घाइते शर्माले बताएका छन् । घाइते शर्माको पर्वत जिल्ला अस्पतालमा उपचार भैरहेको छ । उनको अबस्था भने सामान्य नै रहेको छ ।

एक साता देखि खुर्कोटकै छिमेकी कुस्मा नगरपालिका ३ दुर्लुङ्ग घोगेनीमा चितुवाले लगातार पशु चौपाया मारेपछि सर्वसाधारण त्रसित भैरहेका छन् । यसतर्फ सचेत रहन आवश्यक देखिएको छ ।
न्यूज डबलीको सहयोगमा ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको