कोरोना भाइरसको कारण फागूपूर्णिमाको रौनक यस वर्ष ह्वात्तै घट्यो । यस दिन भीड नियन्त्रण र अवाञ्छित गतिविधि हुन नदिन प्रहरीलाई सकस हुन्थ्यो । यस वर्ष भने हाइसञ्चो बन्यो । होलीका दिन हुने दुर्घटना पनि प्रहरीलाई टाउको दुखाई बन्छ ।

यस वर्ष पनि दिउँसै कार दुर्घटना हुन पुगेको छ । पोखराको फेवातालमा सोमबार कार खस्दा कारमा सवार ४ जना घाइते भए ।

खपौदीबाट लेकसाइडतर्फ आउँदै गरेको ग २ च ६९१२ नम्बरको कार सोमबार मध्यान्ह पौने १२ तिर रातोमाटो डाँडा नजिकैबाट तालमा खस्दा चालक सहित ४ जना सामान्य घाइते भएको प्रहरीले जनाएको छ ।

घाइते हुनेमा लेकसाइड बस्ने करीब ३२ बर्षीय चीरण बस्नेत, ३१ बर्षका संजय यादव, चालक ३७ बर्षीय राजु पहारी र उनकी २ बर्षीया छोरी राविया पहारी रहेको प्रहरीले जनाएको छ । होली मनाएर फर्कने क्रममा कार दुर्घटनामा परेको कास्की ट्राफिक प्रहरीले बताएको छ ।