तनहुँ । आठौँ आदर्श तथा तेस्रो तारा स्मृती कप सेभेन ए साइड फुटबल प्रतियोगिताको उपाधि व्यास युवा क्लब दमौलीले जितेको छ । तनहुँको म्याग्दे–४ मनहरी मैदानमा भएको फाइनल खेलमा आयोजक आर्दश नमुना क्लबलाई ३–० गोल अन्तरले पराजित गर्दै व्यास युवा क्लबले उपाधि जितेको हो ।
उपाधिसंगै बिजेताले एक लाख २३ हजार ४ सय ५६ रुपैयाँ, शिल्ड, मेडल र प्रमाणपत्र प्राप्त गरेको छ । उपविजेता बनेको आयोजक आदर्श नमुनाले ६० हजार रुपैयाँको साथमा शिल्ड, मेडल र प्रमाणपत्र पाएको छ ।
खेलमा व्यास युवा क्लबले पहिलो हाफमा गोल गर्दै अग्रता लिएको थियो भने दोस्रो हाफमा पनि उत्कृष्ट खेल पस्कदै व्यासले दुई गोल थपेको थियो । आदर्श नमुनाले पनि खेलमा गोल गर्ने केही अवसर पाएपनि गोलमा परिणत गर्न नसक्दा पराजित हुन पुग्योे ।
सेमिफाईनलमा व्यास युवा क्लबले जनहित युवा क्लबलाई २–० ले पराजित गर्दै फाईनल यात्रा तय गरेको थियो । आयोजक आदर्श नमुनाले दोभान युवा क्लबलाई १–० ले पराजित गर्दै व्याससंगको उपाधि भिडन्त पक्का गरेको थियो ।
विजेता टिमलाई म्याग्दे गाउँपालिका अध्यक्ष मायादेवी राना र उपाध्यक्ष बालकृष्ण घिमिरेले पुरस्कृत गरेका थिए । सो अवसरमा बोल्दै अध्यक्ष रानाले स्थानीयस्तरमा हुने खेलकुद प्रतियोगिताले गाउँपालिको पहिचान बढाउनुका साथै युवाहरुलाई खेलप्रति आकर्षण गर्ने बताइन् ।
उनले अब खेल खेलेर मात्र नहुने भन्दै राष्ट्रियस्तरको खेलाडी उत्पादन गर्ने उद्देश्य खेलाडी तथा आयोजकले लिनु पर्ने बताइन् । रानाले खेलकुदको विकासका लागि छिट्टै गाउँपालिकाले पनि अध्यक्ष कप संचालन गर्ने जानकारी दिदै युवाहरुलाई तयारी अवस्थामा रहन आग्रह गरिन् ।
‘युवाको कामना, सकारात्मक परिवर्तनमा आदर्श नमुना’ भन्ने नाराका साथ आयोजित प्रतियोगितामा २८ समुहले सहभागीता जनाएका थिए । फोटो: गोलनेपालडटकम
सम्बन्धित खबर
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
पोखरा १० द्वारा वडा भित्रका सामुदायिक विद्यालयलाई स्टेशनरी वितरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग