तनहुँ । विश्वव्यापी रुपमा महामारीको रुपमा फैलिरहेको (कोभिड-१९)को रोकथामका र नियन्त्रणमा उच्च सतर्कताका लागि आँबुखैरेनी गाउँपालिकाले आइतबार स्वास्थ्य सहायता कक्ष स्थापना गरेको छ ।

गण्डकी प्रदेशको प्रवेशद्वार समेत रहेको आँबुखैरेनी गाउँपालिका वडा नं. ४ स्थित पृथ्वीराजमार्ग अन्तर्गत मुग्लिन पुलजीपमा सहायता कक्षा निर्माण गरेको हो ।

सहायता कक्षामा २ जना स्वास्थ्यकर्मीहरु बसेर जनचेतनामुलक सन्देश प्रदान गर्ने र सावुनपानीले हात धुन सिकाउने कार्य गरेका छन् । सो कार्यक्रमको उद्घाटन आँबुखैरेनी गाउँपालिका अध्यक्ष गिर बहादुर थापाले सावुनपानीले हात धोएर गरेका छन ।

कार्यक्रमको उद्घाटन गर्दै अध्यक्ष थापाले कोरोनो भाईरस (कोभिड-१९) ले विश्वभर धैरे व्यक्तिहरुको ज्यान लिईसकेको हुँदा मृतकको आत्माको शान्तीको कामना गर्दै यस्ता रोग लाग्नबाट सजग रहनका लागि सम्पूर्णलाई अनुरोध गरेका थिए ।

उक्त कार्यक्रममा २ जना स्वास्थ्यसँग सम्बन्धीत कर्मचारीलाई सहायता केन्द्रमा १५ दिन राखिने गाउँपालिकाले जनाएको छ । उक्त कार्यक्रममा आँबुखैरेनी गाउँपालिकाका प्रमुख प्रशासकीय अधिकृत, योजनाअधिकृत, स्वास्थ्य संयोजक, सूचना अधिकारी लगायतको उपस्थित रहेको थियो ।