तनहुँ । तनहुँको दमौली बजारमा किटानाशक औषधी छर्किएको छ । व्यास नगरपालिका वडा नं ३ अन्तर्गत दमौली बजारको विभिन्न भागमा कोरोना भाइरसलाई लक्षित गर्दै किटनाशक औषधी छर्किएको व्यास-३ का वडा सदस्य रबिन पौडेलले बताए ।

बढी भीडभाड हुने स्थलमा किटनाशक औषधी छर्कन शुरु गरेको र यो अभियान निरन्तर सञ्चालन हुने जनाइएको छ ।

कोरोना भाइरसको सङ्क्रमणलाई बजार क्षेत्रभित्र फैलन नदिन किटनाशक औषधी छर्न शुरु गरिएको र बजार क्षेत्रका भीडभाड हुने ठाउँहरु, अस्पताल, तरकारी बजार लगायत ठाउँहरुमा किटनाशक औषधी छरिएको वडा सदस्य पौडेलले बताए ।

अत्यावश्यक काम बाहेक बाहिर ननिस्कन र सरकारको कोरोना रोकथाम र नियन्त्रणको अभियानमा सघाउन नगरबासीसँग उनले आग्रह समेत गरे ।

आइतबार प्रशासनचोक देखि पशु कार्यालय, निमचोक, महर्षि चोक लगायतका स्थानहरुमा किटनाशक औषधी छरिएको हो ।

किटनाशक औषधीका लागि सयौं हातका सदस्य लक्ष्मीभक्त खनाल युवा व्यवसायी सुरेश पुरी, लक्ष्मण सुनार, मनोज पोखरेल, मनबहादुर रुचाल लगायतबाट १४ हजार ५ सय रुपैयाँ सहयोग संकलन भएको थियो ।

किटनाशक औषधी छर्कने अभियानमा सुदीप काफ्ले, प्रकाश श्रेष्ठ, विश्व श्रेष्ठ ,मिनबहादुर गुरुङ(चरी बाबा) लगायतले सहयोग पुर्याएको वडा सदस्य रविन पौडेलले बताए ।

भिडियो :