तनहुँ । तनहुँको व्यास नगरपालिकाको वडा नं ३ को समिति र टोल विकास संस्थाहरुको सयुक्त बैठकले दमौली स्थित व्यास-३ मा रहेको तरकारी पसलहरु बन्द गर्ने निर्णय गरेको छ ।
उक्त बैठकले तरकारी पसलहरु लकडाउन अवधिभर बन्द गर्ने निर्णय गरेको हो ।
व्यास-३ का वडाअध्यक्ष प्रेम कुमार श्रेष्ठको अध्यक्षतामा बसेको सो बैठकमा वडा भित्रका टोल विकास संस्थाका प्रतिनिधीहरुको उपस्थिती रहेको थियो ।
लकडाउनको सुरुवात देखि नै सुरक्षा सर्तकता र सामाजिक दुरी कायम गर्ने विषयमा चरम लापरवाही भएको हुँदा लक डाउन अवधिभर तरकारी पसल बन्द गर्ने निर्णय गरिएको व्यास-३ का वडा सदस्य रविन पौडेलले जानकारी दिए ।
तरकारी पसल बन्द गर्ने निर्णय संगै जिल्ला भित्रका उत्पादन ट्रकमा राखेर टोल-टोलमा पुर्याउने निर्णय समेत बैठले गरेको छ ।
त्यस्तै बैठकले व्यास नं ३ शवदाह घाटमा मलामी जाँदा कम संख्या जान र सामाजिक दुरी कायम गर्न अनुरोध गर्ने निर्णय समेत गरेको छ ।
त्यस्तै बैठकले वडा नं ३ भित्र हालसालै विदेशबाट आई घरमा नै क्वारेन्टाइनमा बसेका व्यक्तिहरुको स्वास्थ्य उपाचार देखि रेखदेखका लागि सरोकारवाला निकायको ध्यानाकर्षण गराउने निर्णय समेत गरेको छ ।
त्यसैगरी बैठकले वडा भित्र दैनिक ज्याला मजदुरी गरी जिविकोपार्जन गर्ने नागरिहको नामवली संकलन गरी टोल विकास संस्थाहरुसंग समन्वय गरी राहत वितरण गर्ने निर्णय समेत गरेको छ ।
व्यास नगरपालिकाले निर्णय गर्न नसकेको अवस्थामा वडा आफैले यस्तो निर्णय गरेर काम गर्ने भएको हो ।
नगरपालिकाले नेतृत्व लिएर नगरभित्रका सम्पुर्ण टोल-टोलमा तरकारी र खाद्यान्न पुर्याउने व्यवस्था गर्नुपर्ने नगरबासी बताउँछन ।
सम्बन्धित खबर
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
पोखरा–मुग्लिन सडक खण्डमा विजयपुर खोलासहित चार ठाउँमा पुल बनाइँदै
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पुतलीबजार पूर्ण खोप सुनिश्चितता नगर घोषित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग