Gandak News
Our News Your Views
Bardan

नेपालको यस्तो अचम्मको बस्ती, जहाँ छैन कोरोनाको कुनै डर र त्रास !

  • 2.6K
    Shares

सूर्य तिमिल्सिना, मुस्ताङ्ग । सुन्दा अचम्म लाग्ला तर नेपालमा अझै पनि एउटा यस्तो गाउँ छ जसलाई न त लकडाउनले छोएको छ न त कोरोनाको त्रासले नै ।मुलुक कोरोनाले आतंकित बनाईरहदा मुस्ताङको वारागुङ मुक्तिक्षेत्र गाउँपालिका वडा नं ५ मा अवस्थित शाङ्ता गाउँ नाम जस्तै शान्त र स्थिर छ ।

त्यहाँका स्थानीयको दैनिकी साविक भन्दा अहिले पनि कुनै भिन्नता छैन । मुस्ताङको ९६ वटा गाउँबस्ती मध्येको त्यो अचम्म लाग्दो गाउँ शाङ्ता । यस गाउँका मानिस कोरोनाबाट मुक्त छन् । यो गाउँमा बाहिरी मान्छे समेत बिरलै पुग्छन् न त यहाँका मान्छे नै अन्यत्र आवतजावत गर्छन् । गाउँका कोही पनि मानिस वैदेशिक रोजगारमा विदेश नगएकाले र अन्य बाहिरी मान्छेको आगमन नहुनुले पनि गाउँ कोरोना जोखिम मुक्त भएको हो ।

जोमसोम देखि ४० किमी पञ्चिमतर्फ हानिए साङ्ता गाउ आईपुग्छ । मुस्ताङ र डोल्पा सिमाक्षेत्रमा अवस्थित साङ्ता पुग्न जोमसोमबाट ६ घण्टा लाग्छ ।जोमसोम देखि कच्चि सडक भएतापनि यहा सवारी साधन चल्दैन। वारागुङ मुक्तिक्षेत्र–५ को एउटा वडामा जोडिएको फल्याक ,धाकार्जुङ भन्दा विकट साङ्ता गाउ करिव ३० किमी टाढा छ ।

चारैतिर अग्ला अग्ला डाडोको भिरालो फेदमा छ साङ्ता गाउ । गाउमा शिक्षा ,स्वास्थ्य बिजुली र संञ्चारको समेत पर्याप्त पहुच छैन । गाउका ८० प्रतिशत मानिस प्राय अशिक्षित छन् ।

जिल्लामा कोरोना आतंकले सर्वसाधारणलाई त्रसित बनाई रहेको अवस्थामा पनि यस गाउ भने कोरोनाको नत कुनै डर छ ,नत स्थानीयलाई कोरोनाबारे जानकारी हासिल छ । यहा सरकारको समेत न्युन उपस्थित हुने गर्छ । लाग्छ मुस्ताङ जिल्लाकै भुगोल भित्र रहेको भएपनि साङ्ता गाउँ एक्लो गाउँ जस्तै बनेको छ ।

गाउँका सबै खेतीपाती र पशुपालन गरेर जिविकोपार्जन गर्ने यहाँ भौगोलिक दृष्ट्रिले विकट भएकै कारण सरकारी कर्मचारी, जनप्रतिनिधि, सुरक्षा निकाय कसैको पनि उपस्थित बिरलै रहन्छ ।

गाउमा १३ घरधुरीका करिव ७० जती जनसंख्या छ । गाउकै ३ कक्षा सम्म पढ्ने स्कुल पनि राम्ररी ६ महिना पनि खुल्दैन । स्थानीय बालबालिकाले त्यहाँ राम्ररी पढ्ने सुविधा छैन ।

रेडियो, टेलिभिजन र ईन्टरनेटबाट समेत टाढाको गाउँका गाउँमुखिया ङहिटुक गुरुङले कोरोना भाईरस भनेको आफुलाई केही थाहा नभएको बताए ।

शाङता गाउँका बारेमा वडाअध्यक्ष राप्के गुरुङ यसो भन्छन ‘यो गाउँ अटो लक डाउनको गाउँ भएकोले यहाँ न कोरोनाको त्रास छ त न तयारी नै। शाङतामा नयाँ मान्छे कोही नजाने बरुगाउँकै मान्छे कहिलेकाहीं मात्र किनमेल गर्न जोमसोम आउने गरेकाले उनीहरुलाई कोरोनाबारे पत्तो नभएको हो ।’

स्थानीय प्रशासन, स्वास्थ्य, गाउँपालिका र सुरक्षाकर्मी लगायतले अहिले गाउँगाउँमा कोरोना सचेतना कार्यक्रम गरे पनि शाङता गाउँ भने बेखबर छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको