किरण श्रेष्ठ, तनहुँ । कोरोना संक्रमित बिरामी राख्नका लागि बनाइएको आइसोलेसन अस्पतालको पहुँच बाहिर भएपछि क्वारेन्टाइन बनाईने भएको छ ।
व्यास गुफा नजिक क्रियापुत्री भवनमा बनाइएको आइसोलेसन दमौली अस्पतालको पहुँच बाहिर भएको भन्दै शनिबार बसेको वर्तमान कोभिड १९ को विरुद्धको अभियानको समिक्षा बैठकले उक्त भवनलाई क्वारेन्टाइन बनाउने निर्णय गरेको छ ।
क्रियापुत्री भवनको सट्टा दमौली अस्पतालको पुरानो भवनलाई आइसियु सहितको उपचार केन्द्र बनाउने गरि तत्काल पुर्वाधार निर्माण गर्ने निर्णय गरेको छ ।
पहिले नै विचार नगरी क्रियापुत्री भवन खाली देखेर उक्त भवनमा आइसोलेसन बनाइएपनि अस्पतालको पहुँच बाहिर भएको भन्दै शनिबार उक्त भवनमा क्वारेन्टाइन बनाउने निर्णय गरिएको हो । अहिले व्यास नगरपालिका भित्र बनाइएको क्वारेन्टाइनमा विदेशबाट फर्केका कोहि पनि नेपाली बसेका छैनन् ।
दमौली अस्पताल संगै रहेको अस्पतालको पुरानो भवनमा आइसोलेसन बनाउने भएपछि कोरोना पोजेटिभ भेटिएको खण्डमा अस्पतालमा आउने बिरामीहरु विशेषगरि प्रस्तुती सेवा लिन आउनेलाई जोखिम हुने देखिन्छ । कोरोनाको संक्रमण देखिएको खण्डमा अस्पतालबाट प्रवाह हुने अन्य सेवा रोकिन सक्ने देखिन्छ ।
अहिले आइसोलेसन बनाउन लागिएको दमौली अस्पतालको पुरानो भवनमा दमौली अस्पतालमा कार्यरत स्थायी र करारका कर्मचारी बस्दै आएका छन । तर एकासी उक्त निर्णय आउँदा बस्दै आएको भवन छोडेर अन्त सर्न यो समयमा गाह्रो हुने अस्पतालका एक कर्मचारीले बताए ।
दमौली अस्पतालले आइतबार उक्त पुरानो भवनमा बस्दै आएका कर्मचारीलाई कार्यालय प्रयोजनका लागि कोठा आवश्यक रहेको भन्दै कोठा खाली गर्न पत्र समेत काटेको छ ।
साथै दमौली बजार गत चैत १ गते देखी बिहान ७ बजे देखि १० बजेसम्म खोल्ने निर्णय भएको थियो तर व्यवस्थित नभएकाले घरको १ जना मात्रै सामान खरिद गर्न जान अनुरोध गर्ने निर्णय गरिएको छ । एक हप्ता सम्म पनि सुधार नभए थप कडाइ गर्ने उक्त बैठकले निर्णय गरेको छ ।
सम्झौता भैइसकेको सार्वजनिक निर्माणका काम स्थानीय निर्माण सामाग्री र कामदार प्रयोग गरि सम्बन्धित स्थानीय तहसंगको समन्वयमा सुचारु गर्ने निर्णय समेत भएको छ ।
मृत्यु भएमा धर्म परम्परा अनुसार काजकिरिया गर्न, जटिल बिरामी आवातजावत र अत्यावश्यक सामान ढुवानी बाहेक अन्य सवारी साधन आवातजावतमा प्रतिबन्ध गर्ने निर्णय गरेको छ ।
साथै उक्त बैठकले तनहुँमा जिल्ला बाहिरबाट आउने तरकारी र फलफूल आयातमा समेत रोक लगाउने निर्णय गरेको छ ।
सम्बन्धित खबर
प्रतिभा माविमा वक्तृत्वकलाः सिजन प्रथम
करेन्ट लगाएर माछा मार्दा लमजुङका २६ वर्षीय युवकको मृत्यु
पत्रकार विजय नेपाललाई ‘जितप्रसाद द्वा चलचित्र पत्रकारिता पुरस्कार’
पोखरा २ मा २२६ ज्येष्ठ नागरिकहरूको स्वास्थ्य परीक्षण
उद्यमी महिलालाई आत्मनिर्भर बनाउन काम गर्छौ : मुख्यमन्त्री अधिकारी
नि:शुल्क बाल स्वास्थ्य शिविरबाट तीन सय बढी लाभान्वित
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग