पोखरा । बरदान अनलाइन स्टोर्सले फोन पे तथा इसेवाबाट रकम भुक्तानी गर्ने ग्राहकलाई विशेष अफर ल्याएको छ ।
नयाँ वर्षको दिन देखि पोखरामा दैनिक उपभोग्य सामान नि:शुल्क रुपमा होम डेलिभरी थालेको बरदानले फोन पे र इसेवामा ५ प्रतिशत क्यास ब्याक दिने भएको हो ।
कोरोना भाइरसको महामारी रोक्नका लागि नेपालमा चैत ११ बाट लकडाउन गरिएको छ । यस अवस्थामा पसलमा गएर सामान किन्न गार्हो पर्ने हुँदा बरदानले होम डेलिभरीको सेवा सुरु गरेको हो ।
अहिलेसम्म वरदानमा ३ सय भन्दा बढी अर्डर आउने गरेको छ । दैनिक करिब २५ वटा अर्डर आउने गरेको स्टोर्सका संचालक सन्जिव पौडेलले जानकारी दिएका छन् । सबैभन्दा बढी अर्डर मम र ससेजको आउने गरेको उनले सुनाए ।
`अहिले सम्म ३ सय बढी अर्डर हामिले लिएका छौँ, दैनिक २५ वटा जति अर्डर हामीकहाँ आइपुग्छ ।´ पौडेलले भने,`अब फोन पे र इसेवाबाट पैसा तिर्ने ग्राहकलाई क्यास ब्याकको सेवा ल्याएका छौँ ।´
१ हजार रुपैँया माथिको सामान अर्डर गरेमा फ्रि होम डेलिभरि गरिदिने गरेको स्टोर्सका सञ्चालक पौडेलले जानकारी गराएका छन् । उनका अनुसार १ हजार भन्दा कम शुल्क बराबरको सामान अर्डर गरेमा १ सय रुपैँया डेलिभरि चार्ज स्वरुप बुझाउनु पर्ने छ । ` १ हजार भन्दा बढिको अर्डरलाई निशुल्क डेलिभरी गरिदिएका छौं र सो भन्दा कम मूल्यको अर्डरमा १ सय रुपैयाँ लिएका छौँ ।´ संचालक पौडेलले ।
अहिले दुई जनाले डेलिभरी गरिदिने काम गरिरहेका छन्। कोरोनाबाट बच्न पिपिई जस्तै ज्याकेट लगाएर डेलिभरी गर्ने गरेका छन् । यस्तै अर्डर गरिने सामानलाई लैजानु अगाडि स्यानिटाइज गर्ने गरिएको छ ।
ग्राहकले स्टोर्सको वेभसाइट www.bardanstore.com तथा मोबाइल नम्बर ९८०२०९६२७७ मा सम्पर्क गरी अर्डर गर्न सक्नेछन् ।
सम्बन्धित खबर
पोखरा १५ मा नवनिर्मित मितेरी ढलान बाटो र ब्याडमिन्टन म्याटको उद्घाटन
‘सेन्डो भेस्ट’ लगाएर मन्त्रालयकै कार्यकक्षमा मनाङे
अब अनलाइनबाटै वडाहरुबाट नागरिकताको सिफारिस
पौडी खेल्ने क्रममा डुबेर बेपत्ता पोख्रेल मृत फेला
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग