क्वारेन्टाइनमा राख्नु अघि जिल्ला प्रहरी कार्यालय तनहुँ बाहिर रखिएको भारतीय नागरिक ।
तनहुँ । तनहुँको दमौली आइपुगेका १० जना भारतीय नागरिकलाई क्वारेन्टाइनमा राखिएको छ । गत बिहीबार राति बसमार्फत तनहुँको दमौली आएका भारतीय नागरिकलाई जिल्ला प्रहरी कार्यालय तनहुँले नियन्त्रणमा लिएको थियो ।
कामको सिलसिलामा दमौलीमा बसोबास गर्दै आएका उनीहरु घर जाने भन्दै बुधबार बस चढेर गए पनि कोसी ब्यारेजमा पुगेपछि प्रहरीले दमौली नै फर्काएको वडाध्यक्ष विश्व न्यौपानेले जानकारी दिए । जिल्लाबाट बाहिर गएर फर्किएको हुदाँ क्वारेन्टाइनमा राखिएको वडाअध्यक्ष न्यौपानेले बताए ।
भारतीय नागरिकलाई शुक्रबार व्यास नगरपालिका ४ स्थित मदर्सा प्राथमिक विद्यालयमा बनाइएको क्वारेन्टाइन राखिएको व्यास-४ की वडासदस्य बसुन्धरा घर्तीले जानकारी दिईन ।
ती भारतीय नागरिक केही वर्षदेखि यहाँ काम गर्दै आएका थिए तर बुधबार घर जान हिँडेका हुन् । उनीहरुलाई कोसी ब्यारेजमा पुगेपछि जहाँबाट आएको त्यहीँ गएर बस्नू भनेर प्रहरीले फर्काइएपछि उनीहरु दमौली फर्किएका हुन् ।
कोरोना भाइरसको संक्रमण फैलन सक्ने संभावनालाई न्यूनीकरण गर्न उनीहरु सबैलाई क्वारेन्टाइनमा राखिएको प्रमुख जिल्ला अधिकारी बद्रीनाथ अधिकारीले बताए । ‘उनीहरुलाई १४ दिन क्वारेन्टाइनमा राखिन्छ ।’ प्रजिअ अधिकारिले भने ‘सुरक्षित साथ राखेर स्वास्थ्य परिक्षण समेत गरिनेछ ।’
व्यास संगै अन्य स्थानिय तहमा समेत क्वारेन्टाइनमा राखिएको जिल्ला स्वास्थ्य कार्यालय तनहुँका प्रमुख शंकरबाबु अधिकारीले जानकारी दिए ।
सम्बन्धित खबर
तिनाउ नदीमा डुबेर बागलुङका एक बालकको मृत्यु, एक बेपत्ता
पोखरा १३ : सामाजिक सुरक्षा भत्ता लिन आउनेलाई निःशुल्क स्वास्थ्य परीक्षण
समावेशी शिक्षा मापदण्डको प्रारम्भिक मस्यौदा माथि छलफल
अन्नपूर्णमा सार्वजनिक सुनुवाइ, ३१ कार्यालयका प्रमुखको उपस्थिति
पत्रकार सन्तोष पोखरेल सम्मानित
रोटरी क्लब अफ पोखरा क्यापिटलको चार्टर प्रेजेन्टेसन तथा पहिलो पदस्थापन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग