शुक्रबार, १४ वैशाख २०८१
शुक्रबार, १४ वैशाख २०८१
किरण श्रेष्ठ, तनहुँ । आइसोलेसन कक्ष तयार नहुँदा तनहुँमा शनिबार बिहान कोरोना संक्रमण पुष्टि भएकालाई क्वारेन्टाइनमा राखिएको छ ।
तनहुँको जीपी कोइराला राष्ट्रिय स्वासप्रस्वास उपचार केन्द्रको २७ आइसोलेसन बेड शनिबार नै भरिएपछि शनिबार नै तनहुँको ऋषिङ गाउँपालिकामा देखिएका २१ कोरोना संक्रमितलाई भिमाद नगरपालिकामा रहेको सिटिईभिटिईको भवनमा आइसोलेसन बनाएर राख्ने भनिएको थियो ।
तर, आइसोलेसन बनाउन नदिदा ऋषिङ गाउँपालिकाका २१ जना कोरोना संक्रमितलाई क्वारेन्टिनमै छुट्टै राखिएको छ ।
व्यास नगरपालिकाले व्यास-३ स्थित क्रियापुत्री भवनमा बनाएको आइसोलेसन पहिले नै भरिएको छ ।
‘प्रदेश सरकार र संघिय सरकारका प्रतिनिधिबाट कुनै सहयोग पाउन सकेनौ ’ ऋषिङ गाउँपालिकाका अध्यक्ष राजेन्द्र कृष्ण श्रेष्ठले भने, ‘हिजो पुष्टि भएदेखि कोरोना संक्रमित यहीँ क्वारेन्टाइनमा छुट्टै बस्ने व्यवस्था मिलाएका छौं ।’
प्रमुख जिल्ला अधिकारीलाई संक्रमितको व्यवस्थापनका लागि धेरै अनुरोध गर्दा पनि कुनै सहयोग नपाएको अध्यक्ष श्रेष्ठले बताए । उनले भने ‘त्यहि भएर हामिले हाम्रा पालिकाका संक्रमित क्वारेन्टाइन मै राख्न बाध्य भएका छौ ।’ भोलि सम्म हेर्छौ संक्रमितको व्यवस्थापना नभए कडा रुपमा प्रस्तुत हुने अध्यक्ष श्रेष्ठले बताए ।
‘यहाँ अहिले आइसोलेसन बनाएर राख्न सक्ने अवस्था नै छैन ।’ अध्यक्ष श्रेष्ठले भने ‘जतिसक्दो चाडो संक्रमितको व्यवस्थापन गर्नुपर्ने देखिएको छ तर कसैको सहयोग पाएनौ ।’
ऋषिङका संक्रमितहरु शान्ति मावि दुबुङको क्वारेन्टाइनमा १७ जना, भिरकाेट स्वास्थ चाैकीको क्वारेन्टाइनमा ३ जना र अमर मावि कोइदिमको क्वारेन्टाइनमा १ जना रहेको ऋषिङ गाउँपालिका स्वास्थ्य सहसंयोजक लोक बहादुर थापाले बताए ।
‘उहाँहरु सबै भारतबाट आउनु भएको हो ।’ सहसंयोजक थापाले भने ‘आइसोलेसन तयार भइनसकेका कारण हिजो देखि यही क्वारेन्टाइनमै छुट्टाएर राखेका छौ ।’
तनहुँका प्रमुख जिल्ला अधिकारी बद्रिनाथ अधिकारीले जिल्लामा तयार भएका आइसोलेसन भरिएको हुँदा अन्य बाँकी संक्रमितलाई आइसोलेसनमा राख्न नसकिएको बताए । उनले भने ‘संक्रमितलाई स्वास्थ्य चौकीको नजिक राख्ने हो ।’
अब प्रत्येक स्थानिय तहको स्वास्थ्य चौकी वरपर आइसोलेसन बनाइने प्रजिअ अधिकारीले जानकारी दिए । ‘जिल्लाका विभिन्न स्थानमा आइसोलेसन कक्ष विस्तार गर्दै छौ ।’ प्रजिअ अधिकारीले भने ‘एक दुई हप्तामा ठुलो संख्यामा आइसोलेसन वेड तयार हुनेछ ।’
कोरोना भाइरस (कोभिड-१९) संक्रमित संख्या बढ्दै जाँदा तनहुँमा आइसोलेशन कक्ष व्यवस्थापन जटिल बन्दै गएको छ ।
तनहुँमा स्थानिय टोलबासी र केही जनप्रतिनिधिहरुले आइसोलेशन कक्ष तयार गर्ने स्थानका विषयमा विरोध गर्दा स्थानीय तहहरु समस्यामा परेको स्थानिय तहका प्रमुखको गुनासो रहेको छ ।
कोरोना संक्रमितको व्यवस्थापनमा सकस भएको स्वास्थ्य कार्यालय तनहुँँका प्रमुख शंकरबाबु अधिकारीले बताए ।
संक्रमितलाई उपचार गर्न शुक्लागण्डकी नगरपालिकामा २९, व्यास नगरपालिकामा १६ र भानु नगरपालिकामा एक गरी ४६ शय्या क्षमताको आइसोलसन कक्ष निर्माण गरिएको छ।
तनहुँको कुन स्थानीय तहमा कति कोरोना संक्रमित ?
गत जेठ १८ गते तनहुँमा पहिलो संक्रमित भेटिएको थियो । यो अवधिमा जिल्लामा संक्रमितको संख्या ७२ जना पुगेको छ भने ७ जना निको भएर घर फर्किएका छन् ।
हालसम्म जिल्लाको व्यास नगरपालिकामा ८ जना, ऋषिङ गाउँपालिकामा ३२ जना, भानु नगरपालिकामा ४ जना, घिरिङ गाउँपालिकामा २३ जना, शुक्लागण्डकी नगरपालिकामा ५ जनामा संक्रमण पुष्टि भएको छ ।
सम्बन्धित खबर
पुतलीबजार पूर्ण खोप सुनिश्चितता नगर घोषित
पोखरामा पेस्तोल सहित एक व्यक्ति पक्राउ
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग