Gandak News
Our News Your Views
Bardan

पोखराका ७ सहित गण्डकी प्रदेशका थप १०४ जनामा कोरोना पुष्टि, गण्डकीमा संक्रमितको संख्या ६९७ पुग्यो

  • 715
    Shares

पोखरा । गण्डकी प्रदेशमा अहिलेसम्मकै ठूलो परिमाणमा कोरोना भाइरसका संक्रमित फेला परेका छन् । स्वास्थ्य निर्देशनालयले दिएको जानकारी अनुसार गण्डकीमा एकै दिन कोरोना भाइरसका १०४ नयाँ संक्रमित थपिएका छन् ।

स्वास्थ्य निर्देशनालयले दिएको जानकारी अनुसार राष्ट्रिय जनस्वास्थ्य प्रयोगशला काठमाडौं, पोखरा स्वास्थ्य विज्ञान प्रतिष्ठान र भरतपुरमा गरि ३ ठाउँमा गरिएको परिक्षणमा १०४ नयाँ संक्रमित थपिएका हुन् ।

निर्देशनालयले बताए अनुसार बागलुङमा ६, कास्कीमा ७, पर्वतमा २१, २१, तनहुँमा १, स्याङ्जामा १३, गोरखामा १८ र राष्ट्रिय प्रयोगशाला काठमाडौं र भरतपुर अस्पतालमा गरिएको परिक्षणमा नवलपुर जिल्लामा ३८ नयाँ संक्रमित थपिएका हुन् ।

योसंगै गण्डकी प्रदेशमा कोरोना संक्रमितको संख्या ६ सय ९७ जना पुगेको छ ।

बागलुङको ढोरपाटन नगरपालिकामा १ महिलासहित ५ पुरुषमा संक्रमण फेला परेको छ । यस्तै पोखरा महानगरपालिकामा ३ पुरुष सहित ४ महिला संक्रमित फेला परेका छन् ।

पर्वतमा पुष्टि भएका संक्रमित बिहादी गाउँपालिकाका २ महिला, पैयुँ गाउँपालिकाका ३ पुरुष, कुश्मा नगरपालिकाका २ महिला र ९ पुरुष छन् । यस्तै पर्वतकै मोदी गाउँपालिकामा २ पुरुष र एक महिला, फलेबास नगरपालिकामा २ पुरुष फेला परेका छन् ।

नवलपुरमा राष्ट्रिय प्रयोगशाला काठमाडौंमा गरिएको परिक्षणमा कावासोती नगरपालिकामा ९ पुरुष र एक महिला, बौदिकाली गाउँपालिकामा ५ महिला, ५ पुरुया, नवलपुरकै पालिका नखुलेका एक पुरुषमा संक्रमण फेला परेको छ ।

यस्तै, भरतपुर अस्पतालमा गरिएको परिक्षण्मा १७ नयाँ संक्रमित पुष्टि भएका छन् । जसमा गैंडाकोट नगरपालिकाका एक महिला र एक पुरुष । बुलिङटार गाउँपालिकामा १५ पुरुष संक्रमित फेला परेका छन् ।

तनहूँको घिरिङ गाउँपालिकामा एक पुरुष फेला परेका छन् । यस्तै, स्याङ्जाको गल्याङ नगरपालिकाका ३ पुरुष, भीरकोट नगरपालिकाका एक महिला, कालिगण्डकी नगरपालिकाका २ पुरुष, चापाकोटका ४ पुरुष, १ महिला, वालिङका २ पुरुषमा कोरोना पुष्टि भएको छ ।

पोखरा स्वास्थ्य विज्ञान प्रतिष्ठान र राष्ट्रिय प्रयोगशाला काठमाडौंमा गरिएको परिक्षणमा गोरखाका १८ संक्रमित फेला परेका छन् ।

जसमध्ये, भीमसेन गाउँपालिकाका २ महिला, २ पुरुष, राष्ट्रिय प्रयोगशाला काडमाडौंमा गरिएको टेस्टमा भीमसेनकै ६ महिला, २ पुरुष, पालिका नखुलेका २ पुरष, शहिल लखनका ३ पुरुष र बारपाक सुलीकोटका १ पुरुषमा संक्रमण फेला परेको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको