पोखरा । राष्ट्रिय मौलिक कौरा संरक्षण समिति नेपालद्वारा स्थापित तथा नेपाल मगर पत्रकार संघ कास्कीद्वारा सञ्चालित “राष्ट्रिय मौलिक कौरा संरक्षण पत्रकारिता पुरस्कार–२०७७” तनहुँका पत्रकार प्रताप राना मगरलाई प्रदान गरिने भएको छ ।
नेपाल मगर पत्रकार संघ कास्की शाखाको सोमबार सम्पन्न बैठकले पत्रकार राना मगरलाई सो पुरस्कारबाट पुरस्कृत गर्ने निर्णय गरेको अध्यक्ष रूद्रबहादुर हितानमगरले जानकारी दिए ।
यसअघि, संघका केन्द्रीय का.वा.अध्यक्ष एमबी आस्था मगरको संयोजकत्वमा गठित पुरस्कार प्रतिभा छनौट समितिले पत्रकार रानामगरलाई पुरस्कार प्रदान गर्न सिफारिस गरेको थियो ।
छनौट समितिमा राष्ट्रिय मौलिक कौरा संरक्षण समिति, नेपालका अध्यक्ष हर्क आलेमगर, उपाध्यक्ष तारामाया थापामगर, नेपाल पत्रकार महासंघ, गण्डकी प्रदेशका सचिव रूद्र श्रीसमगर, नेपाल मगर पत्रकार संघ, कास्की शाखाका अध्यक्ष रूद्रबहादुर हितानमगर र सदस्य मीना थापामगर रहेका थिए ।
आगामी साउन १ गते प्रदान गरिने सो पुरस्कारको राशि १० हजार रुपैयाँ नगद र ताम्रपत्र रहेको छ । पुरस्कृत हुन लागेका पत्रकार रानामगर कान्तिपुर टेलिभिजनमा आबद्ध रहेका छन् ।
साथै, रानामगर नेपाल मगर पत्रकार संघको गण्डकी प्रदेश संयोजक, नेपाल पत्रकार महासंघ तनहुँ शाखाका कोषाध्यक्ष र नेपाल आदिवासी जनजाति पत्रकार महासंघ (फोनिज) तनहुँ शाखाका अध्यक्ष हुन् ।
गण्डकी प्रदेशको लोकप्रिय मौलिक कौरा नाचको संरक्षण र प्रवद्र्धनमा पत्रकारिता मार्फत योगदान दिने पत्रकारलाई प्रदान गरिने यो पुरस्कारबाट यसअघि नवलपरासीकी पत्रकार कमला रानामगर र कास्कीका पत्रकार तिलकप्रसाद पुनमगर पुरस्कृत भइसकेका छन् ।
सम्बन्धित खबर
अवैध रूपमा बालुवा ओसार्ने दुई ट्याक्टरलाई जरिवाना
बस र मोटरसाइकल ठोकिँदा एक जना घाइते
कास्कीको अन्नपूर्णमा किम्रुङ खोला थुनियो, मोदीखोला हुँदै कालिगण्डकी दोभानसम्म बाढीको जोखिम
नागरिक जहाँ, सेवा त्यहीँ : पोखरामै पुगेर १६९ जनाको भत्ता नवीकरण
जोर्ज जोनको ९५ औं जन्मदिनमा पोखरा वृद्धाश्रममा भोजनदान
कास्की अन्तरविद्यालय स्क्राबल च्याम्पियनसिप सम्पन्न, ८ खेलाडी राष्ट्रिय प्रतियोगिताका लागि छनोट
यो पनि पढौँ
फेवातालमा कायकिङ गर्ने क्रममा २१ वर्षीय युवकको डुबेर मृत्यु
‘प्रभावकारी कक्षाकोठा तथा विद्यालय व्यवस्थापनः समावेशिता, सुरक्षा र नवीनता’ विषयक दुई दिवसीय गोष्ठी
याम्दी खोलामा डुबेर स्याङ्जाका २१ वर्षीय रोक्काको मृत्यु
कास्कीको अन्नपूर्णमा किम्रुङ खोला थुनियो, मोदीखोला हुँदै कालिगण्डकी दोभानसम्म बाढीको जोखिम