Gandak News
Our News Your Views

गुरुङ ब्युटी एकेडेमीको मेहन्दी प्रतियोगितामा सुमना प्रथम

स्थानीय न्युरोडस्थित गुरुङ ब्युटी एकेडेमीले साउने सङ्क्रान्तिका अवसरमा मेहन्दी प्रतियोगिता गरी चार उत्कृष्टलाई पुरस्कृत गरेको छ । मेहन्दीकला सिकिरहेका सात प्रशिक्षार्थीबीच प्रतिस्पर्धा गराइएको थियो ।

एकेडेमी सञ्चालक एवम् वरिष्ठ ब्युटिसियन चिनु गुरुङले हरेक वर्ष साउने सङ्क्रान्तिमा मेहन्दीकला प्रतियोगिता हुँदै आएकामा अहिले कोभिड–१९ का कारण सीमित सहभागीबीच सामाजिक दूरी कायम गरेर प्रतियोगिता गराइएको जानकारी दिईन।प्रतियोगितामा सुमना श्रेष्ठ प्रथम, सनम गुरुङ द्वितीय, साजिमा गुरुङ तृतीय र सीमा परियारले सान्त्वना पुरस्कार पाउन सफल भएका छन् ।

विजेताले हेयर ड्रायर, हेयर आइरन, मेकअप ब्रस र हेयर रोलर प्राप्त गरेका छन् विसं २०५२ देखि सञ्चालनमा आएको एकेडेमीका पोखरामा चार र दुलेगौँडामा एक गरी पाँच शाखा छन् । एकेडेमीले पार्लरसम्बन्धी बेसिक, डिप्लोमा र एडभान्स कोर्षमार्फत तालीम दिँदै आएको छ ।

सञ्चालक गुरुङका अनुसार हालसम्म करीब एक हजारले ब्युटी पार्लरसम्बन्धी तालीम लिइसकेको तथा सिकेकामध्ये करीब ६ सय जनाले स्वरोजगार भएर व्यवसाय सञ्चालन गर्दै आएका छन् ।सामाजिक उत्तरदायित्वअन्तर्गत विपन्न, हिंसापीडित र अपाङ्गता भएका महिलालाई एकेडेमीले आत्मनिर्भर बनाउनका लागि निःशुल्क तालीम प्रदान गर्दै आइरहेको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको