पोखरा नदिपुर स्थित प्रतिभा माध्यमिक विद्यालयको नाम शिक्षा क्षेत्रमा मुलुककै अग्रणी विद्यालयका रुपमा आउँछ, कारण यहाँका विद्यार्थीले प्राप्त गरेको नतिजा । उसो त गुणस्तर मापन आइएसओ प्राप्त विद्यालय नै हो प्रतिभा । यस्तै, सामाजिक तथा खेलकुद क्षेत्रमा पनि प्रतिभा माविले आफूलाई यहाँ अग्रणी विद्यालयको रुपमा उभ्याएको छ ।
विद्यार्थी तथा खेलाडीहरुको मनोबल उच्च बनाउन, बालबालिकाका प्रतिभालाई प्रस्फुटन गर्न विद्यालयले आर्थिक सहयोग समेत गर्दै आएको छ । सन्दिप लामिछाने, अरुणा शाही जस्ता प्रतिभालाई नगद एक लाखले सम्मान गरिसकेको विद्यालयले मुलुकमा सर्वोत्कृष्ट नतिजा प्राप्त गर्ने विद्यार्थी शुरतीलाई समेत एकमुष्ठ डेढ लाख बढीले सम्मान गरिसकेको छ ।
मानवीय विपदमा समेत प्रतिभा अगाडि देखिएको छ । म्याग्दी जिल्लाका बाढी पहिरो पीडितलाई प्रतिभाले ५० हजार नगदसहित सम्मान गरेको छ । बाढीपहिरोमा परी विस्थापित भएकालाई राहत तथा पुनस्र्थापनामा सघाउने उद्देश्यका साथ विद्यालयले म्याग्दीका सिडिओ ज्ञाननाथ ढकाललाई सो रकम हस्तान्तरण गरिएको प्लस टु संयोजक एवं सञ्चालक समिति सदस्य किरण सापकोटाले जानकारी दिएका छन् ।
सहयोग रकम लिएर विद्यालयका विद्यार्थी, अभिभावक जिल्ला प्रशासन कार्यालयमा पुगेका थिए । सिडिओ ढकालले जिल्लामा हुने हरेक सामाजिक तथा मानवीय सेवामा समुदायको सक्रियताबाट उत्साहित भएको बताए ।
प्रतिभा माविको अहिलेसम्मका उल्लेखनीय कामका समाचारहरुः
प्रतिभावान् क्रिकेटर सन्दिपलाई पोखरामा प्रतिभाको एक लाखसहित सम्मान (फोटो फिचर)
भलिबलकी कप्तान अरुणा एक लाखको प्रतिभा वर्ष पुरस्कारबाट सम्मानित
कक्षा १२ मा सर्वोत्कृष्ट प्रतिभा मावि पोखराकी शुरती पाण्डेलाई डेढ लाखसहित सम्मान
सम्बन्धित खबर
स्वस्थ नागरिक समृद्ध मुलुकको आधारः प्रदेश प्रमुख भट्ट
अर्जुनचौपारीमा राष्ट्रिय भलिबलका कप्तान श्रेष्ठलाई सम्मान
वर्षाले पोखरा-मुग्लिन सडक विस्तार कार्य प्रभावित
लमजुङमा बालिकालाई जबर्जस्ती करणी गर्न खोज्ने पक्राउ
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग