Gandak News
Our News Your Views

गोरखाः खेतमा लडेपछि जिस्काउँदा विवाद, १७ वर्षे किशोरले गरे ७२ वर्षीया बृद्धाको हत्या

  • 461
    Shares

गोरखामा ७२ वर्षीया महिलाको हत्या गरेको आरोपमा १७ वर्षीय किशोर पक्राउ परेका छन् । सहिद लखन गाउँपालिका–३ हटियाकी कृष्णकुमारी आले बिहीबार बिहान खेतमा पानी लगाउन गएकी र उनी घर नफर्किएपछि खोजी गर्दा टाउकोमा चोट लागेको र स्याउलाले छोपिएको अवस्थामा शव भेटिएको थियो ।

प्रहरीले घटनाको३ दिनपछि स्थानिय ती किशोरलाई पक्राउ गरेको हो । उनले हत्यामा संलग्नता स्वीकार गरेको जिल्ला प्रहरी प्रमुख एसपी सुरेन्द्र गुरुङले बताए ।

प्रहरीले किशोरको बयान उद्धृत गर्दै जनाएअनुसार स्थानीय खाल्टेपानी धारामा पुगेकी महिला लडेपछि किशोर हाँसेको र त्यही क्रममा भनाभन भएको थियो । त्यही रिसमा किशोरले महिलालाई ढुंगाले हानेर हत्या गरी शव स्याउलाले छोपेर भागेका थिए । उनलाई आइतबार मनकामना वनौतीबाट पक्राउ गरिएको प्रहरीले जनाएको छ । 

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको