तनहुँ । तनहुँको भानु नगरपालिका–१ का स्थानीयमा कोरोना संक्रमण पुष्टि भएको छ । स्थानीयमा कोरोना पुष्टि भएसंगै मंगलबारदेखि भानु नगरपालिका एक हप्ताका लागि बन्द गरिएको छ ।
कोरोना भाइरसको जोखिम न्यूनीकरणका लागि नगरपालिका र सम्पूर्ण वडा कार्यालयको सेवा एक हप्ताको लागि बन्द गरिएको नगरपालिकाले जनाएको छ ।
नगरवासीलाई कोरोना सङ्क्रमणको जोखिमबाट बचाउन नगरपालिका र सम्पूर्ण वडा कार्यालय आजदेखि आगामी भदौ २ गतेसम्मका लागि बन्द गरिएको नगरपालिकाका सूचना अधिकारी सुनिल पाण्डेले जानकारी दिए ।
उनका अनुसार नगरपालिकाका केही क्षेत्रमा प्रतिनिधिमूलक रुपमा गरिएको परीक्षणमा एकजनामा कोरोना सङ्क्रमण पुष्टि भएको र कार्यालयहरुमा सेवाग्राहीको भीडभाड बढेकाले सेवा बन्द गर्ने निर्णय गरिएको हो ।
नगरपालिकाभित्र रहेका सार्वजनिक सेवा प्रवाह गर्ने सङ्घसंस्था, वित्तीय संस्थाको कार्यालय पनि बन्द हुने नगरपालिकाले जनाएको छ ।
त्यसैगरी नगरपालिकाभित्र सञ्चालन हुने सार्वजनिक यातायातका साधन तथा अत्यावश्यक सेवाका वस्तु तथा सेवाहरु बन्द गर्न नगरपालिकाले अनुरोध गरेको छ ।
संक्रमितलाई पोखरा रिफर
श्वासप्रश्वासमा समस्या भएपछि कोरोना संक्रमितलाई पोखरा रिफर गरिएको छ । सोमबार भानु नगरपालिका–१ का ३४ वर्षीय स्थानीय कोरोना संक्रमण भएको पुष्टि भएको थियो ।
कोरोना संक्रमित पुरुषलाई शुक्लागण्डकी नगरपालिका स्थित जिपी कोइराला राष्ट्रिय श्वासप्रश्वास उपचार केन्द्रको आइसोलेसनमा राखिएको थियो ।
उपचार केन्द्रको आइसोलेसनमा राखिएका ती पुरुषलाई ज्वरो, श्वासप्रश्वासमा समस्या देखिएपछि गण्डकी अस्पताल पोखरा रिफर गरिएको जिपी कोइराला राष्ट्रिय श्वासप्रश्वास उपचार केन्द्रका निर्देशक डा.रामकुमार श्रेष्ठले जानकारी दिए ।
कन्ट्याक्ट ट्रेसिङमा १ सय २४ जनाकाे स्वाब संकलन
संक्रमित व्यक्ति ठेक्कापट्टा गर्ने स्थानीय भएको हुँदा कन्ट्याक्ट ट्रेसिङ थालिएको छ ।
उनको सम्पर्कमा आएकाको एक सय २४ जनाको मंगलबार स्वाब नमुना संकलन गरिएको भानु नगरपालिका स्वास्थ्य शाखा प्रमुख ऐश्वर्यचन्द्र भट्टराईले जानकारी दिए ।
‘उनी आँबुखैरेनी, डुम्रेलगायत क्षेत्रमा पुगेको तर जिल्ला बाहिर भने यात्रा नगरेको भेटिएको छ ।’ भट्टराईले भने ‘कामको सिलसिलामा बेशीशहरसम्म पुगेको हो कि भन्ने अनुमान गरिएको छ, त्यसै अनुरुप कन्ट्याक्ट ट्रेसिङ अगाडि बढाएका छौं ।’
सम्बन्धित खबर
पृथ्वीचोकमा बसबाट झर्नासाथ तानातान गरेर हैरान पारेको आरोपमा ७ जना पक्राउ
पोखराको प्राइम सहकारी ठगी कसूरमा थप एक पक्राउ
पोखरा ६ मा प्रथम वडा स्तरीय बुद्धिचाल प्रतियोगिता
रामघाटबाट ड्रग्ससहित तीन युवक पक्राउ
चौथो संस्करणको अन्नपूर्ण म्याराथन जेठ २१ मा हुँदै
पोखरा विश्वविद्यालय शिक्षण अस्पताल उद्घाटन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग