तनहुँ । तनहुँको एक जना महिलाको कोरोना संक्रमणबाट मृत्यु भएको छ । मृत्यु हुने महिला व्यास नगरपालिका वडा नम्बर १ ,अम्रेनीकी स्थानिय हुन् । महिलाको मृत्यु पश्चात उनमा कोरोना पुष्टि भएको हो ।

५० वर्षीया महिला पोखरा-१२ हस्पिटलचोक स्थित कास्की सेवा हस्पिटल एण्ड रिसर्च सेन्टरमा उपचार गराइरहेकी थिइन् । उनको हिजो सोमबार राति ११ बजेर ३६ मिनेटमा अस्पतालमै उपचारको क्रममा मृत्यु भएको थियो । उनलाई निमोनिया भएपछि अस्पतालमा लगिएको थियो ।

गत साउन ३२ आइतबारदेखि अस्पतालमा उपचाररत थिईन् । मृत्यु भएकी महिलामा मधुमेहसँगै मुटुरोगको समस्या रहेको थियो । दीर्घरोगी महिलालाई उपचारका पोखरा उनको छोरी र व्यास-१ गल्बुबेसीका आफन्तले लिएर गएको स्रोतले बतायो ।

पोखरा जानुअघि महिला दमौलीको एक मेडिकलमा उपचार लागि पुगेको स्रोतले बतायो । स्रोतले भन्यो ‘करिब ३-४ दिन अघि हुनुपर्छ । कन्ट्रयाक्ट ट्रेसिङको लागि अहिले नाम संकलन गरिरहेको व्यास-१ का वडाअध्यक्ष खरसिं दरैले बताए । उनले भने ‘छिट्टै पीसीआर गर्ने तयारी हुदैछ ।’

अहिले कोरोनाबाट मृत्यु भएकी महिलाको टोलमा वडा र नगरपालिकाले कन्ट्रयाक्ट ट्रेसिंङको काम गर्न लागेको अम्रेनी टोल विकास समितिका अध्यक्ष भरत विकले बताए । ‘वडाअध्यक्षको फोन आएको थियो ।’ विकले भने ‘अहिले टोलबासी लाई सुचना गरिसकेका छौ ।’ उनले भने हामि ‘हामि सबै घरमै छौ ।’

तनहुँमा कोरोना संक्रमणबाट यो पहिलो मृत्यु भएको हो । तनहुँमा अहिलेसम्म २१७ जनामा कोरोना संक्रमण पुष्टि भएको छ भने १८२ जनाले कोरोना जितेर निको भई घर फर्कीसकेका छन् । अहिले ३५ जना आइसोलेसनमा उपचाररत छन् ।

यो पनि :

ब्रेकिङ न्यूजः कोरोनाबाट पोखरामा महिलाको मृत्यु, कास्की सेवा हस्पिटलमा मृत्यु भएकी तनहुँकी महिलामा देखियो कोरोना