तनहुँ । पोखराको ग्यालेक्सी हस्पिटलमा मंगलबार मृत्यु भएको तनहुँको बन्दिपुर गाउँपालिका–६ निवासी २९ वर्षीया युवतीको कोरोना रिपोर्ट नेगेटिभ आएको छ । ती युवतीको हस्पिटल भर्ना भएको आधा घण्टामै मृत्यु भएको थियो ।

युवतीलाई श्वासप्रश्वासमा समस्या आएपछि पोखरा स्थित ग्यालेस्क्सी हस्पिटल भर्ना गरिएको थियो ।

उनको मृत्युपछि स्वाब सङ्कलन गरी प्रदेश क्षयरोग उपचार केन्द्रमा गरिएको परीक्षण अनुसार रिपोर्ट नेगेटिभ आएको गण्डकी प्रदेश स्वास्थ्य निर्देशनालयले जनाएको छ । कोरोनासँग मिल्दोजुल्दो लक्षण देखिएकाले ती युवतीको कोरोना परीक्षण गरिएको थियो ।

ती युवती साउन २० गते बन्दिपुर अस्पतालमा उपचारका लागि भर्ना भएकी थिइन् । तर स्वास्थ्यमा थप समस्या भएपछि उनी साउन २४ मा भरतपुरको मनकामना अस्पतालमा उपचारका लागि पुगेकी थिइन् ।

साउन २९ मा मनकामना हस्पिटलबाट उनी डिस्चार्ज भएकी थिइन् । तर स्वास्थ्यमा पुनः समस्या देखिएपछि उनी मङ्गलबार बिहान डुम्रेस्थित मोती मेडिकल हलमा परीक्षणका लागि पुगेकी थिइन् ।

मेडिकलका सञ्चालक समेत रहेका बन्दीपुर गाउँपालिकाका अध्यक्ष पूर्णसिंह थापाले एम्बुलेन्सको व्यवस्था गरेर उनलाई पोखराको ग्यालेक्सी हस्पिटलमा रिफर गरेका थिए ।

बन्दिपुरकी युवतीको पोखरामा मृत्यु, कोरोनासंग लक्षण मिलेकाले स्वाब संकलन गरी पीसीआर परीक्षण हुँदै