बुटवल । रोटरी क्लब अफ लुम्बिनी स्टार्स तथा पार्टनर क्लब रोट्रयाक्ट क्लब अफ लुम्बिनी स्टार्सले संयुक्त रूपमा आइसोलेसनमा आयुर्बेदिक औषधी हस्तान्तरण गरेको छ ।
क्लबले बुटवल-१२ तामनगर स्थित कोरियन टेक्निकल कलेजको कारोना आईसोलेसन हस्पिटलमा रहेका २३ जना कोरोना संक्रमितलाई आयुर्बेदिक औषधी वितरण गरेको हो ।
क्लबका अध्यक्ष बालकृष्ण पाण्डेले आईसोलेसनमा रहेका कोरोना संक्रमितहरूको सिघ्र स्वास्थ्यलाभको कामना गर्दै विश्वव्यापी रूपमा फैलिएको कोरोना भाईरसका कारणले कसैले पनि ज्यान गुमाउन नपरोस् भन्ने हेतुले आयुर्बेदिक औषधी वितरण गरिएको बताए ।
कार्यक्रमको प्रमुख अतिथी बुटवल उपमहानगरपालिका प्रमुख शिवराज सुवेदीले हरेक सामाजिक संस्थाहरूले सहयोग गरिरहेका स्मरण गराउदै रोटरी क्लब अफ लुम्बिनी स्टार्सले गरेको सहयोग फरक र अतुलनिय रहेको र हरेक कार्यक्रममा सधै सहकार्य समेत रहने बताए ।
रोटरी क्लब अफ लुम्बिनी स्टार्सका अध्यक्ष बालकृष्ण पाण्डेले बुटवल उपमहानगरपालिका प्रमुख शिवराज सुवेदी तथा वडा नं १२ का अध्यक्ष दुर्गा प्रसाद सुवेदीलाई औषधी हस्तान्तरण गरेका हुन ।
हरेक दिन आईसोलेसनमा रहेकालाई योग समेत गराईने गरेको छ ।
कार्यक्रममा क्लबका सचिव बिक्रम क्षेत्री, कोषाध्यक्ष ध्रुब कोईराला तथा रोट्रयाक्ट क्लब अफ लुम्बिनी स्टार्सका अध्यक्ष बिमल ढकालको पनि उपस्थिति रहेको थियो ।
कार्यक्रम क्लबका अध्यक्ष बालकृष्ण पाण्डेको अध्यक्षता, बुटवल उपमहानगरपालिकाका प्रमुख शिवराज सुवेदी प्रमुख आथित्यता तथा योगगुरू विष्णु आचार्यको संचालनमा सम्पन्न भएको हो ।
कार्यक्रममा बुटवल-१२ का अध्यक्ष दुर्गा प्रसाद सुवेदी र क्लबका संस्थापक अध्यक्ष यादव भण्डारी लगायतले शुभकामना राखेका थिए ।
रोटरी क्लब अफ लुम्बिनी स्टार्स रोट्रयाक्ट क्लबका पुर्व अध्यक्षहरूको सहभागिता स्थापना भएको क्लब हो ।
सम्बन्धित खबर
‘सफल सादा दही’ पोखरा बजारमा उपलब्ध
कास्कीको अन्नपूर्णमा सामुदायिक बनमा आगो लगाउने एक व्यक्ति पक्राउ
पोखराको हर्पन खोलामा डुबेर एक बालकको मृत्यु
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
वैदेशिक रोजगारका नाउँमा ठगी धन्दा, झन्डै ५ करोड ठगी गरेको आरोपमा ६ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग