तनहुँ । तनहुँको व्यास १ अडमपानीको खोल्सामा एक युवक मृत भेटिएका छन् ।
व्यास-१ हाइस्कुलटारका अन्दाजी १८ वर्षका आकाश रिजाल मृत अवस्थामा भेटिएको जिल्ला प्रहरी कार्यालय तनहुँले जनाएको छ ।
स्थानीयले मृत अवस्थामा भेटिएको शव बारे खबर दिएपछि प्रहरी घटनास्थल पुगेको थियो ।
मृतक रिजालको शव दमौली अस्पतालको शवगृहमा राखिएको छ ।
रिजालको मृत्युको कारणबारे अनुसन्धान थालिएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमल्सेनाले जानकारी दिए ।
