कास्कीका ४ सहित गण्डकीमा ३८ संक्रमित थपिए

कास्कीका ४ सहित गण्डकीमा ३८ संक्रमित थपिए

Corona update 4

पोखरा । गण्डकी प्रदेशमा सोमबार थप ३८ जनामा कोरोना पुष्टि भएको छ । क्षयरोग उपचार केन्द्र, पोखरा परिक्षणमा गण्डकी प्रदेशमा सोमबार थप ३८ जनामा कोरोना पुष्टि भएको हो ।

नयाँ संक्रमितहरुमा कास्कीका ४ जना, तनहुँका १७ जना, बाग्लुङका १४ जना, स्याङजाका २ जना र गोरखाका एक जना रहेका छन् ।

बाग्लुङ जिल्ला, ढोरपाटन-१ का ब्यक्तिहरु नेपाल बैंक लि, हिमाल मेडिकल, भट्टराई ईलेक्ट्रोनिक्स, ढोरपाटन न.पा. कार्यालय, बुर्तिबाङ प्रा.स्वा.के।, धौलागिरी होटेल, साईला होटेल, सिटी क्लिनिकमा कार्यरत हुन् । बाग्लुङ जिल्ला, ढोरपाटन – ४ का ३१ बर्षीय पुरुष र गोरखा जिल्ला, सिरानचोक-६ का ३३ बर्षीय पुरुष गरि २ जना भारतबाट आई क्वारेन्टाइनमा बसेका छन् ।

अन्य संक्रमितहरु कन्ट्रयाक्ट ट्रेसीङबाट पहिचान भएको स्वास्थ्य निर्देशनालयले जानकारी गराएको छ ।गण्डकी प्रदेशमा अहिलेसम्म ३४७८ जना संक्रमित भएका छन् भने अहिलेसम्म २११३ जना निको भएका छन् ।

त्यस्तै प्रदेशमा निको हुने दर ६०.७५ प्रतिशत रहेको स्वास्थ्य निर्देशनालयले जानकारी दिएको छ । प्रदेशमा अहिले सक्रिय संक्रमितको संख्या १३ सय ३३ रहेको स्वास्थ्य निर्देशनालयले जानकारी दिएको छ ।

त्यस्तै प्रदेशमा अहिलेसम्म कोरोनाबाट ३२ जनाको मृत्यु भएको छ ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds