पोखरा महानगरपालिका–२५ हेमजा स्थित सुँईखेत खोलामा गत भदौ २४ र २५ गतेको बाढीपछि सोही वडाको सेरावस्तीसँगको यातायात सम्पर्क टुटेको छ ।

सुईखेत र सेरावस्ती जोड्ने गरीब निर्माण भएको पक्की मोटरेवल पुलमा खोलाले धार परिर्वतन गरेर सडक कटान गरेपछि यातायात सम्पर्क बिच्छेद छ भने स्थानीयवासीले हाल बाँसको फट्के बनाएर जोखिमपूर्ण यात्रा गर्न बाध्य छन् ।

बाढीपछि नदीले धार परिर्वतन गरेर पुलभन्दा बाहिरबाट खोला बगेको छ भने कच्ची सडक समेत बगाएको छ । पुल एकतर्फ र खोला अर्कोतर्फ बगेको छ । बाढीले क्षति पुगेको संरचना १५ दिनभन्दा बढी भइसक्दा समेत मर्मत हुन सकेको छैन ।

स्थानीयवासी देवीप्रसाद अधिकारीले बस्तीसँगको यातायात सम्पर्क विच्छेद भएको तथा हाललाई बाँसको फट्के बनाएर नदी वारपार गर्ने गरिएको बताए । सुईखेतबाट कास्कीकोट जाने माटेरेवल पुलमा समेत क्षति पुगेको उनकोे भनाई छ । माछापुच्छ«े गाउँपालिकाको धितालबाट सुईखेत, सेरावस्ती हँदै कास्कीकोट र पामेसम्मको पुरानो पैदल बाटो हो ।

‘भदौ २४ गतेको बाढीले सुर्ईखेतबाट कास्कीकोट जाने सो मोटरेवल पुलमा नदीले धार परिर्वतन गरेपछि बिरामीलाई अस्पतालसम्म लैजान सकिने अवस्था छैन ।’ – अधिकारीले भने, ‘सेरावस्तीका ५० घरधूरी प्रत्यक्ष प्रभावित छन् भने हेमजाका अधिकाँसको खेतीपाती समेत पारी छ, उहाँहरुलाई समेत अप्ठ्यारो परेको छ ।’

बाढीले निम्ताएको समस्याका बारेमा महानगरपालिका, प्रदेश सरकार तथा सिँचाई डिभिजन कार्यालयमा, भूसंरक्षण कार्यालयमा जानकारी गराउँदा समेत हालसम्म सुुनुवाई नभएको स्थानीयवासी महादेव अधिकारीले बताए ।

सुईखेत खोलाको बाढीले खेतीयोग्य जमीन समेत अतिक्रमण गरेको र धान रोपेको खेतमा ग्राभेल र बालुवा लगेर नोक्सान पुगेको बताइन्छ । नदीले छ किमी क्षेत्रमा अन्दाजी एक हजार विघा जमिनमा क्षति पुगेको दावी स्थानीयवासीको छ ।

जनताको दुःखमासँगै छु, यथासक्य सडक खुलाउन पहल गर्छ- सांसद बराल

गण्डकी प्रदेशसभा सदस्य रामजीप्रसाद बरालले शुक्रबार नदीले पु¥याएको क्षतिका बारेमा जानकारी लिँदै प्रदेश सरकारले तत्कालै तारजाली लगाएर संरक्षणका काम गर्ने र नदीको धार पूर्ववत अवस्थामा फर्काएर यातायात र आवातजावत सहज बनाइने प्रतिवद्धता जनाएका छन् ।

उनले सो क्षेत्रको निरीक्षण लगत्तै तत्कालका लागि काम थालनी गर्न ४० थान तारजालीको व्यवस्था समेत गरेका थिए । नागरिकले भोग्नु परेका समस्याका बारेमा प्रदेश सरकार तथा महानगरसँग तत्कालै कुरा गर्ने सांसद बरालले बताए ।

“स्थानीयवासीले ठूलो जोखिम मोलेर यात्रा गरेको देँखे, सडक मर्मत गर्ने र खोलालाई पहिलाकै अवस्थामा फर्काउन सोही क्षेत्रको जनप्रतिनिधि भएका हिसाबले म पूर्ण रुपमा लाग्ने छु ।” बरालले भने ।

राष्ट्रिय युवा संघका जिल्ला संयोजक भोजराज पौडेलले अघिपनि पनि माथिल्लो सुँईखेत खोला नियन्त्रण र कटान रोक्नका लागि तार जालीको व्यवस्था गरिएको बताए ।

सांसद बरालले शुक्रबार घट्टेखोला धम्पुस हुँदै खानीगाउँसम्मको निर्माणाधीन सडकको अनुगमन गरेको नेकपा माछापुच्छ्रे गाउँपालिका कमिटीका सचिव बैकुण्ठ भण्डारीले जानकारी दिए ।

????????????????????????????????????