पोखरा जेसीजको जेसीज सप्ताह २०२० अर्न्तगत तेस्रो दिन स्वास्थ्य सचेतना तथा स्वास्थ्य सुरक्षा सामाग्री हस्तान्तरण गरिएको छ । मंगलबार पोखरा १८, सराङकोटको मणिज्योति आधारभुत विद्यालयमा स्वास्थ्य सुरक्षा सामाग्री हस्तान्तरण गरेको हो ।
पोखरा १८ का अध्यक्ष रणबहादुर थापाको प्रमुख आतिथ्यता र अध्यक्ष शिव प्रसाद सापकोटाको अध्यक्षतामा भएको कार्यक्रममा जेसीज सप्ताह २०२० को कार्यक्रमको बारेमा कार्यक्रमका मुल संयोजक मिनराज खड्काले प्रकाश पारेका थिए ।
दोस्रो दिन पोखरा जेसिजले सडक बालबालिकाहरुलाई शैक्षिक, स्वास्थ्य तथा खेलकुद सामग्री हस्तान्तरण गरेको थियो । अन्नपुर्ण गाउँपालिका १ लेवाडे स्थित फुलवारी श्रोत केन्द्रमा रहेका १७ जना सडक बालबालिकालाई शैक्षिक सामग्रीका साथै स्वास्थ्य सामग्री समेत हस्तान्तरण गरेको हो ।
सडकमा रहेका बालबालिकाको भविष्य अन्धकारमा नभई उज्यालो हुनुपर्दछ भन्ने सोचका साथ बालबालिकालाई सहयोग गरेको हो । पोखरा महानगरपालिकाको सहयोगमा सडक बालबालिकाको उद्धार गरी फुलबारी स्रोत केन्द्रमा राखिएको छ । केन्द्रले सडक बालबालिकाको उद्धार गरी स्नातक सम्म अध्ययनको लागि समेत सहयोग गर्दै आइरहेको छ । जेसिजले आयोजना गरेको हस्तान्तरण कार्यक्रममा बोल्दै अन्नपुर्ण गाउँपालिकाका अध्यक्ष युवराज कुवँरले मानव भावना लिएर शिक्षाको ज्योति देखाउन सहयोग गरेको भन्दै आभार प्रकट गरे ।
हाल श्रोतकेन्द्रमा १४ बालक, ३ बालिका र एक वयस्क व्यक्ति रहेका छन् । २५ वर्ष देखि सरकारसंग हातेमालो गर्दै आइरहेको केन्द्रले ३७ प्रतिशत आम्दानी आफैले गर्दै आइरहेको छ । हाल सोहि केन्द्रको सहयोगमा करिब ५ सय विधार्थीले विभिन्न १ सय ६८ विधालयमा अध्ययन गर्दै आइरहेका छन ।
कार्यक्रममा सप्ताहव्यापी कार्यक्रम संयोजक मिनराज खड्का, पोखरा जेसिजका अध्यक्ष शिवप्रसाद सापकोटा, शैक्षिक सामग्री हस्तान्तरण संयोजक कपिल पौडेल, सहयोगदाता प्रिति मगर लगायतले आफ्नो भनाइ राखेका थिए ।
असोज ११ गते देखि जारी सप्ताहव्यापी ‘जेसिज सप्ताह–२०२०’ कार्यक्रम पहिलो दिन रक्तदान कार्यक्रम गरेको थियो ।
यस्तै, कोरोना भाइरस सचेतना तथा सुरक्षा सामग्री हस्तान्तरण, महिला स्वास्थ्य सचेतना तथा सेनेटरी प्याड बनाउने तालिम, खाद्य सामाग्री तथा युवा लक्षित कार्यक्रम गरिने कार्यक्रम संयोजक मिनराज खड्काले जानकारी दिए ।
‘असल समाजका लागि युवा नेतृत्व’ भन्ने मुल नाराका साथ सञ्चालित जेसीजले आफ्नो बार्षिक कार्ययोजनालाई निरन्तरता दिदैँ यो साप्ताहिक कार्यक्रमको आयोजना गर्न लागेको संयोजक खड्काले बताए ।
जेसिज २०२० का अध्यक्ष शिवप्रसाद सापकोटाले वर्षभरकै उत्कृष्ट कार्य भएकाले कार्यक्रमलाई भव्य बनाउन सबैलाई सहयोग गर्न आग्रह गरे ।
सम्बन्धित खबर
अर्जुनचौपारीमा राष्ट्रिय भलिबलका कप्तान श्रेष्ठलाई सम्मान
वर्षाले पोखरा-मुग्लिन सडक विस्तार कार्य प्रभावित
लमजुङमा बालिकालाई जबर्जस्ती करणी गर्न खोज्ने पक्राउ
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग