पोखराका २८ सहित गण्डकी प्रदेशमा फेरि ३२ जनालाई कोरोना भाइरस संक्रमण पुष्टि भएको छ। तेस्रो विज्ञप्ति अनुसार पोखरा स्वास्थ्य बिज्ञान प्रतिष्ठान, पोखरा र क्षयरोग उपचार केन्द्र, पोखरामा गरिएको परिक्षणमा २ जिल्लाका ३२ जनामा संक्रमण पुष्टि भएको हो । कोरोना पुष्टि हुनेमा कास्कीका २८, तनहुँका १, स्याङ्जा ३ जना छन् । कास्कीका संक्रमित सबै पोखरा महानगरपालिकाका हुन् ।

गण्डकी प्रदेश स्वास्थ्य निर्देशनालयका अनुसार पोखरा ५ का २१ वर्षीय पुरुष, ६ का ७१ वर्षीय पुरुष, ७ का ३६ वर्षीय पुरुष, ८ का ५५ वर्षीय पुरुष, १५ का ४५ वर्षीय पुरुष, १६ का ३ वर्षीया बालिकासहित १७, २६, २७, ३३, ३९, ५०, ५५ र ७७ वर्षीया महिलाहरु तथा ५ वर्षीय बालकसहित  १९, २८, ३२, ५३ र ५९ वर्षीय पुरुष र १७ का ३५, ३६, ३७ र ४१ वर्षीय पुरुष तथा २१ र ६१ वर्षीया महिला रहेका छन ।

स्याङ्जामा ३ जनालाई कोरोना भाइरस संक्रमण पुष्टि भएको छ । संक्रमित भीरकोट तथा वालिङका हुन् ।

तनहुँमा १ जनालाई संक्रमण पुष्टि भएको छ । जिल्लाको ब्यास नगरपालिका वडा नम्बर ४ का २० वर्षीय पुरुषलाई संक्रमण पुष्टि भएको हो ।

संक्रमित सबै कन्ट्याक्ट ट्रेसिङका माध्यमबाट पहिचान भएका हुन् । उनीहरुलाई आइसोलेसन कक्षमा लैजाने तयारी भइरहेको छ ।

आज बिहान समेत पोखरामा २३ जनालाई कोरोना भाइरस संक्रमण पुष्टि भएको थियो ।

यससंगै गण्डकी प्रदेशमा कोरोना भाइरस संक्रमितको कुल संख्या ४ हजार ८०१ पुगेको छ ।