स्याङ्जामा १४ सहित गण्डकी प्रदेशमा ३४ जनालाई कोरोना भाइरस संक्रमण पुष्टि भएको छ। पहिलो विज्ञप्ति अनुसार क्षयरोग उपचार केन्द्र, पोखरामा गरिएको परिक्षणमा गण्डकी प्रदेशमा ३  जिल्लाका ३४ जनामा संक्रमण पुष्टि भएको हो ।

गण्डकी प्रदेश स्वास्थ्य निर्देशनालयका अनुसार संक्रमण पुष्टि हुनेमा स्याङ्जा जिल्लाको चापाकोट नगरपालिकाका १४ जनालाई कोरोना भाइरस संक्रमण पुष्टि भएको छ ।  उनीहरु कति नम्बर वडाका हुन् भन्ने खुलेको छैन ।

पोखरामा थप १८ जनालाई कोरोना भाइरस संक्रमण पुष्टि भएको छ।

गण्डकी प्रदेश स्वास्थ्य निर्देशनालयका अनुसार संक्रमण पुष्टि हुनेमा पोखराको मणिपाल अस्पतालमा उपचाररत २६ वर्षीय पुरुष, चरक मेमोरियल हस्पिटलमा उपचाररत ४२ वर्षीय पुरुष तथा गण्डकी मेडिकल कलेजमा उपचाररत ३२, ३६, ३८ र ७० वर्षीय पुरुष तथा २३ वर्षीया महिला रहेका छन् ।

त्यसै गरी पोखरा महानगर वडा नं. १ की १ महिला, २ का १ पुरुष, ३ का १ पुरुष, ७ का २ पुरुष र १ महिला, १० का १ पुरुष, ११ का १ पुरुष , २५ का १ पुरुष, ३१ का १ पुरुष तथा वडा नखुलेका १ ५ वर्षीय पुरुषमा कोरोना देखिएको छ । लमजुङ मध्येनेपाल र सुन्दरबजारका १-१ जना पुरुष र स्याङजा चापकोटका १० पुरुष तथा ४ महिलामा कोरोना पुष्टि भएको छ ।

लमजुङका जिल्लाको सुन्दरबजार नगरपालिकाका ३९ तथा मध्यनेपालका २५ वर्षीय पुरुषलाई संक्रमण पुष्टि भएको छ । उनीहरु कति नम्बर वडाका हुन् भन्ने खुलेको छैन ।

सबै संक्रमितलाई आइसोलेसन कक्षमा लैजाने तयारी भइरहेको स्वास्थ्य निर्देशनालयले जानकारी दिएको छ ।

यस सँगै गण्डकी प्रदेशमा कोरोना संक्रमितको संख्या ५००५ पुगेको छ ।