गण्डकी प्रदेशमा आज एक जनाको मृत्यु भएको छ भने ९७ जना संक्रमित थपिएका छन् । पोखरामा ३० जना सहित प्रदेशमा ९७ जना थपिएका हुन् । पोखरा चरक मेमोरियल अस्पतालमा ७० वर्षीया महिलाको उपचार क्रममा मृत्यु भएको छ । पोखरामा लगातार ५ दिनमा ६ संक्रमितको मृत्यु भएको छ ।

चरक मेमोरियल अस्पतालमा पोखरा महानगरपालिका वडा नम्बर ९ की ७० वर्षीया महिलाको आज बिहान ८ बजे ४५ मिनेट जाँदा ज्यान गएको हो ।

यससँगै प्रतिष्ठानमा उपचारका क्रममा कोरोनाबाट मृत्यु हुनेको संख्या १५ पुगेको छ । गण्डकी प्रदेशमा कोरोनाबाट हालसम्म ५० जनाले ज्यान गुमाएका छन् । मृत्यु हुनेमा कास्कीका १५, नवलपुर ९, तनहुँका ९, गोरखाका ७, स्याङ्जाका ५, लमजुङ र बागलुङका २ र म्याग्दीका १ जना छन् ।

चरक हस्पिटलमा हालसम्म ३ कोरोना संक्रमितको ज्यान गएको छ ।यस अघि कोरोना सङ्क्रमण भई चरक हस्पिटलमा उपचाररत पोखरा १७ का ४७ वर्षीय पुरुषको उपचारका क्रममा शुक्रबार दिउसो ४ः५० मा र बागलुङ नगरपालिका २ का ७७ वर्षीय पुरुषको उपचारका क्रममा बुधबार दिउसो १२ ः१० बजे मृत्यु भएको थियो ।

गण्डकी प्रदेशमा आइतबार बिहान थप ५२ जना कोरोना संक्रमित भेटिएका छन् । स्वास्थ्य निर्देशनालय गण्डकीले आइतबार बिहान कास्कीको पोखरा महानगरका ८ सहित, तनहुँका १६ जना, गोरखाका ३ जना, स्याङजाका ५ जना, लमजुङका १ जना र नवलपुरका १९ जना गरि थप ५२ जनामा कोरोना पुष्टि भएको जानकारी दिएको हो ।

संक्रमण पुष्टि हुनेहरुमा पोखरा महानगरपालिका ९ का २ महिला, १० का १ पुरुष तथा २ महिला, १४ की १ महिला, १६ का १ पुरुष र २१ की १महिला , तनहुँको शुक्लागण्डकीका ४ वटा वडाका ४ पुरुष तथा ३ महिला, ब्यास २ र ४ का ४ पुरुष तथा ४ महिला, भानुकी १ महिला रहेका छन् ।

त्यस्तै स्याङजाको चापाकोटका १९ पुरुष तथा ३ महिला, वालिङका ३ पुरुष तथा १ महिला, चापाकोटका १ पुरुष, लमजुङ सुन्दरबजारकी १ महिला, गोरखाको गोरखा नगरपालिकाका १ पुरुष, तथा २ महिला एवं नवलपुर गैंडाकोटका ९ पुरुष तथा ३ महिला, देबचुलीका १ पुरुष तथा २ महिला र कावासोतीका १(१ महिला पुरुषमा आइतबार बिहान कोरोना पुष्टि भएको छ ।

पोखरा महानगरका २० सहित कास्की जिल्लामा २२ कोरोना संक्रमित थपिएका छन् । स्वास्थ्य निर्देशनालय गण्डकीका अनुसार आइतबार दिउसो कास्कीको पोखरा महानगरका २० जना र अन्नपुर्ण गाउँपालिकाका २ जना गरी कास्कीमा २२ कोरोना संक्रमित थपिएका हुन् ।

संक्रमण पुष्टि हुनेहरुमा पोखरा महानगरपालिका ५ की २ महिला , ७ की २ महिला, ८ का २ पुरुष , ९ का ३ पुरुष, ११ का २ पुरुष, १५ की १ महिला, १६ की १ महिला, १७ का २ पुरुष तथा २ महिला , ३० की १ महिला तथा अन्नपूर्ण गाउँपालिकाका १ पुरुष र १ महिला रहेका छन् ।