गण्डकी प्रदेशमा आज ८६ जना कोरोना संक्रमित थपिएका छन् । जसमध्ये पोखरा महानगरका २२ जना छन् । प्रदेशमा संक्रमितको संख्या ६ हजार १ सय ५ पुगेको छ । आज ४० जना निको भएका छन् ।

बिहानै प्रकाशित विज्ञप्तिमा गोरखा जिल्लाका १ जना तनहुँका २ जना र नवलपुरका १५ जना गरी १८ नयाँ कोरोना संक्रमित थपिए । संक्रमण पुष्टि हुनेहरुमा गोरखाको सुलिकोट ६ की १ महिला, तनहुँ आबुखैरेनी १ की १ महिला, देवघाट ८ की १ महिला, नवलपुर गैंडाकोटका ८ पुरुष तथा ३ महिला र कावासोती का २ पुरुष तथा मध्येविन्दु का २ पुरुष तथा १ महिलामा कोरोना पुष्टि भएको छ ।

 यस्तै, दोस्रो विज्ञप्तिमा पोखरामा थप १९ जनालाई कोरोना भाइरस संक्रमण पुष्टि भएको छ । पोखरा स्वास्थ्य विज्ञान प्रतिष्ठान तथा क्षयरोग उपचार केन्द्र पोखरामा गरिएको परीक्षणका क्रममा पोखरामा थप १९ जनालाई कोरोना भाइरस संक्रमण पुष्टि भएको हो ।

मेडीप्लस अस्पतालका १ जनालाई संक्रमण पुष्टि भएको छ । संक्रमित ३५ वर्षीय महिला हुन् । फेवासिटी अस्पतालका १ जनालाई कोरोना भाइरस संक्रमण पुष्टि भएको छ । संक्रमित १० वर्षीय बालिका हुन् । चरक अस्पतालका ३ जनालाई संक्रमण पुष्टि भएको छ । सो अस्पतालका १ महिला सहित २ जना पुरुषलाई संक्रमण पुष्टि भएको हो । संक्रमित २१ वर्षीय १ जना महिला तथा ३० र ३२ वर्षीय २ जना पुरुष हुन् ।

पोखरा महानगरपालिका वडा नम्बर ३ का २ जनालाई संक्रमण पुष्टि भएको छ । सो वडाका ३० वर्षीय १ जना महिला तथा ३२ वर्षीय १ जना पुरुषलाई संक्रमण पुष्टि भएको हो । पोखरा ५ का १ जनालाई संक्रमण पुष्टि भएको छ । उनी २१ वर्षीय पुरुष हुन् ।

७ नम्बर वडाका १ जनालाई कोरोना पुष्टि भएको छ । सो वडाका ५० वर्षीय पुरुषलाई कोरोना भाइरस संक्रमण पुष्टि भएको हो । वडा नम्बर ८ का १ जनालाई संक्रमण पुष्टि भएको छ । सो वडाकी २७ वर्षीय महिलालाई संक्रमण पुष्टि भएको हो । पोखरा ९ का ६० वर्षीय पुरुषलाई संक्रमण पुष्टि भएको छ । पोखरा १२ का १ जनालाई कोरोना भाइरस संक्रमण पुष्टि भएको छ । सो वडाकी ४६ वर्षीय १ जना महिलालाई संक्रमण पुष्टि भएको हो । १३ नम्बर वडाका १ जनालाई संक्रमण पुष्टि भएको छ । संक्रमित २९ वर्षीय पुरुष हुन् ।

पोखरा १५ का २ जनालाई कोरोना भाइरस संक्रमण पुष्टि भएको छ । संक्रमितहरु सो वडाका ५४ र ६० वर्षीय पुरुष रहेका छन् । पोखरा १६ का ३६ वर्षीय १ जना पुरुषलाई संक्रमण पुष्टि भएको छ । पोखरा १७ का २ जनालाई कोरोना भाइरस संक्रमण पुष्टि भएको छ । संक्रमित दुवै जना महिला हुन् । सो वडाका ३० र ७० वर्षीय महिलालाई संक्रमण पुष्टि भएको हो ।

पोखरा २५ का २५ वर्षीय १ जना पुरुषलाई समेत संक्रमण पुष्टि भएको छ । पवर्तमा १६ जनालाई संक्रमण पुष्टि भएको छ । संक्रमित जिल्लाको जलजलाका हुन् । जलजला अन्तरगत उनीहरु कति नम्बर वडाका हुन् भन्ने खुलेको छैन ।

बाग्लुङका १ जनालाई संक्रमण पुष्टि भएको छ । उनी जिल्लाको बाग्लुङ नगरपालिकाका ४६ वर्षीय पुरुष हुन् । नगरपालिका अन्तरगत कति नम्बर वडाका हुन् भन्ने खुलेको छैन । गोरखामा १ जनालाई कोरोना भाइरस संक्रमण पुष्टि भएको छ । संक्रमित जिल्लाको आरुघाट ९ का ३७ वर्षीय १ जना पुरुष रहेका छन् । यस्तै, म्याग्दीमा १ जनालाई संक्रमण पुष्टि भएको छ । जिल्लाको बेनी नगरपालिका वडा नम्बर २ का ३१ वर्षीय पुरुषलाई संक्रमण पुष्टि भएको हो ।

यस्तै, तेस्रो तथा अन्तिम विज्ञप्ति अनुसार गण्डकी प्रदेशमा गोरखाका २२ सहित ३० जना कोरोना संक्रमित थपिएका छन् । गण्डकी प्रदेश स्वास्थ्य निर्देशनालयले गोरखाका २२, कास्कीका ३, लमजुङ ३ र पर्वतका २ गरी ३० जनामा कोरोना संक्रमण पुष्टि भएको जनाएको हो । सक्रमण पुष्टि हुनेहरुमा गोरखा शहिद लखनथापा गाउँपालिकाका वडा नखुलेका २ वर्षीया बालिका सहित ९ महिला र ८ वर्षीय बालक सहित ११ पुरुष, गोरखा गण्डकी ७ का २ महिला रहेका छन ।

त्यस्तै, कास्कीको पोखरा महानगरपालिका वडा नं २ की १ महिला, ७ का १ पुरुष र १४ का १ पुरुष, लमजुङ सुन्दरबजार वडा नखुलेका ३ जना पुरुष, पर्वत पैंयु ५ का १ पुरुष र १ महिलामा कोरोना संक्रमण पुष्टि भएको निर्देशनालयले जनाएको छ ।