Gandak News
Our News Your Views

राजतन्त्रको विकल्प छैन भन्दै पोखरामा समर्थकको विशाल र्‍याली

पोखरा – राजतन्त्रको विकल्प छैन भन्दै आज राजसंस्था समर्थकले पोखरामा राष्ट्रिय झण्डा सहित विशाल र्‍यालीको आयोजना गरेका छन् ।

गणतन्त्रको विरोध तथा राजसंस्थाको समर्थन गर्दै आयोजना गरिएको उक्त र्‍याली अमरसिंहचोकबाट शुरु भइ  पोखराको पृथ्बीचोक, मुस्ताङचोक, लेकसाइड, हल्लनचोक, जिरोकिलोमिटर, सभागृहचोक हुँदै  मानवअधिकार चोक पुगेर कोण सभामा परिणत भएका थिए ।

र्‍यालीमा युवायुवती, महिला, पुरुष लगायत वृद्ध व्यक्तिको पनि सहभागिता रहेको थियो । सहभागीहरुले राजतन्त्रको पुनर्वहाली तथा देश बचाउन आफुहरु राष्ट्रिय झण्डा बोकेर आएको प्रतिक्रिया दिए । र्‍यालीमा सहभागी मध्येका पोखरा पराजुली मार्गका सुजन बाबु पौडेलले नेपालको अस्तित्व रक्षा गर्नका लागि प्रजातन्त्रको मियो चाहिने र त्यो मियो भनेको राजसंस्था भएको प्रतिक्रिया दिए ।

सहभागीले राजतन्त्र जिन्दावाद, अखण्ड नेपाल जिन्दावाद, गणतन्त्र मुर्दावाद, राजसंस्थाको विकल्प छैन, राजा आउ देश बचाउ, भन्दै बाजागाजा सहित नगर परिक्रमा गरेका थिए । र्‍यालीमा कास्की सहित छिमेकी जिल्लाबाट आएका समर्थकहरुको सहभागीता रहेको थियो ।

 

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस