पोखरा – शनिबार पोखराका ६९ सहित गण्डकीमा थप ११६ जनामा कोरोना पुष्टि भएको छ ।

स्वास्थ्य निर्देशनालयद्वारा आज जारी विज्ञप्ति अनुसार गण्डकीका ३८० जनामा गरिएको परीक्षण मध्ये थप ११६ जनाको रिपोर्ट पोजेटिभ आएको हो  ।

आज पुष्टि भएका संक्रमित प्रदेशका ८ जिल्लाका छन् । जसअन्तर्गत पोखरा महानगरका सबै भन्दा धेरै अर्थात् ६९ जना, तनहुँमा १८ जना, गोरखामा १ जना, लमजुङमा १८ जना, नवलपुरका २३ जना, स्याङ्गजामा १ जना, पर्वतमा २ जना र बाग्लुङ जिल्लाका १ जनाको परीक्षण रिपोर्ट पोजेटिभ आएको जारि विज्ञप्तिमा जनाइएको छ ।

आज थपिएका संक्रमित संगै गण्डकीमा कोरोना संक्रमितको कूल संख्या १३ हजार २ सय ५१ पुगेको छ । जसमा सक्रिय संक्रमित ५ हजार ३ सय ५८ छन् भने, होम आइसोलेसनमा बस्नेको संख्या ४ हजार १ सय ३७ पुगेको छ ।

पछिल्लो २४ घन्टामा गण्डकीबाट १०२ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या ७ हजार ६ सय ९८ पुगेको छ ।

शनिबार पनि गण्डकीमा थप १ जना कोरोना संक्रमितको मृत्यु पुष्टि भएको छ । मृत्यु हुनेमा पोखरा महानगरपालिका -१० निवासी ७५ वर्षीय वृद्ध रहेका छन् ।

यो संगै, गण्डकीमा कोरोना संक्रमणका कारण ज्यान गुमाउनेको संख्या १८२ पुगेको निर्देशनालयले जनाएको छ।