तस्बिर सौजन्य : ज्ञानु आचार्य ।
पोखरा । गण्डकी प्रदेशको मुख्यमन्त्री तथा मन्त्रिपरिषद्को कार्यालयको सरकारी गाडी दुरुपयोग भएको भन्दै अधिकारकर्मीले आपत्ति जनाएका छन् । जागौं नेपाल राष्ट्रिय अभियान कास्कीले मुख्यमन्त्री कार्यालयको ग १ झ ४३५ नम्बरको गाडी दुरुपयोग गरेको भेटिएको खुलासा गरेको हो । शनिबार गरेको छड्के चेकिङमा सो गाडी दुरुपयोग भएको फेला परेको थियो ।
सोहि दिन पृथ्वीचोकबाट उक्त गाडीलाई जागौं नेपालको टोलीले नियन्त्रणमा लिई जिल्ला ट्राफिक प्रहरी कार्यालय कास्कीलाई बुझायो । मुख्यमन्त्रीको पीएले सो गाडी लिएर ओहोरदोहोर गरिरहेको अवस्थामा नियन्त्रणमा लिएको टोलीले जनाएको छ ।
जागौं नेपाल अभियानका केन्द्रीय अध्यक्ष दीपक आचार्यको नेतृत्वमा पोखरामा पहिलोपटक छड्के चेकिङ गरिएको थियो । बिदाको दिनमा सरकारी गाडीको दुरुपयोग हुन्छ वा हुँदैन भनेर गरिएको छड्के जाँचमा सो गाडी पटक पटक ओहोरदोहोर गरिएको भेटिएको थियो । उक्त गाडी सहित ४ वटा गाडीलाई नियन्त्रणमा लिई ट्राफिक कार्यालयलाई बुझाएको टोलीले जनाएको छ ।
यो बाहेक महान्याधिवक्ताको ग १ झ ३६९, मुक्तिनाथ बराह क्षेत्र विकास कोषको ग १ झ ३३९ र अर्को ग १ झ ५४० नम्बरका गाडी दुरुपयोग भएको पाइएको टोलीले जनाएको छ । चेकिङकै क्रममा ग १ झ ४७० नम्बरको गाडी भने नियन्त्रणमा लिनु अगावै भागेको केन्द्रीय संयोजक आचार्यको भनाई छ ।
कास्की प्रहरीले भने सबै गाडीले पास लिएरै चलाएकाले छाडेको जनाएको छ ।
सम्बन्धित खबर
पोखराको फिर्केखोला अतिक्रमण मुक्त बनाउने अभियान बीचमै रोकेपछि महानगरलाई ध्यानाकर्षण
संघीय कानुनसँग बाझिएपछि गण्डकी प्रदेश प्रमुख भट्टले प्रमाणीकरण नगरी फिर्ता गरे गाँजा विधेयक
लोकगीतमै नेपालीपन देख्ने जनकविकेशरी थापाको योगदान अविष्मरणीयः प्रदेश प्रमुख भट्ट
पोखराको पालिखेचोकमा मोटरसाइकल दुर्घटना, पर्वतका २४ वर्षीय सुनारको मृत्यु
पत्रकार केशव पाठकसहित सात जना प्रदेश खेलकुद पदकबाट विभुषित
बाल यौन दुर्व्यवहार आरोपमा पोखरा १२ स्थित सरस्वती आविका प्रअ रानाभाट पक्राउ
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
ब्रड पिकको ५,७०० मिटर उचाइमा निम्सदाइको शव भेटियो