प्रधानमन्त्री कप क्रिकेट प्रतियोगितामा विभागिय टोली एपिएफले विजयी सुरुवात गरेको छ ।आज शनिबार भएको खेलमा एपीएफले प्रदेश एकलाई १३५ रनको फराकिलो अन्तरले पराजित गरेको हो ।

कीर्तिपुर मैदानमा टस हारेर ब्याटिङको निम्तो पाएको एपीएफ ४८ ओभर चार बलमा दुई सय ४३ रन बनाएको थियो । एपिएफका लागि आशिफ शेखले अर्धशतिकय पारी खेलेका थिए । उनले ३२ बलमा ६ चौका र पाँच छक्का प्रहार गरे । एपिएफकालागि सुवास खकुरेलले कप्तान शरद भेषवाकरले २० रनको योगदान दिए ।

यस्तै बसन्त रेग्मीले ४० रन बनाए । बलिङमा प्रदेश एकका फिरदोश अन्सारी, दिपेश कँडेल, हमेन्त राई र श्रवन यादवले दुई दुई विकेट लिए । २४४ रनको विजयी लक्ष्य लिएर मैदानमा उत्रिएको प्रदेश एक ४२ ओभर ४ बलमा १०८ रनमा अलआउट भयो । खराव सुरुवात गरेको प्रदेश एकले २८ रनमा पहिलो विकेट गुमाएको थियो ।

त्यसपछि ५३ रनमा दोस्रो विकेट खेर फालेको उसले ७६ रन बनाउँदा आठ विकेट गुमाएको थियो । प्रदेश एकका लागि दिपक पासवानले १३ रन बनाए भने मनिश थापाले १८, फिरदोस अन्सारीले १७ रनको योगदान दिए ।

यस्तै राजेश मगर तीन रनमा आउट हुँदा कप्तान सिद्धान्त लोहनी नौ रनमा पभेलियन फर्किए । बलिङमा एपीएफका अभिनाश बोहोराले पाँच विकेट लिए । उनले आफ्ना अन्तिम दुई ओभरमा चार विकेट लिएका थिए । यस्तै बसन्त रेग्मीले दुुई विकेट हात पारे ।