पोखरा – मंगलबार पोखरा महानगरका ८ जनामा कोरोना पुष्टि भएको छ ।
प्रदेश स्वास्थ्य निर्देशनालयका अनुसार आज गण्डकीका दुई जिल्ला कास्की र लमजुङका क्रमसः ९० र ९ जना गरी ९९ जनामा गरिएको परीक्षणमा पोखरा महानगरपालिका वडा नं -२९, ८, १७, ३०, १४ र १९ नंवर वडाका १ महिला र ७ जना पुरुषको परीक्षण रिपोर्ट कोरोना पोजेटिभ आएको हो ।
आज पुष्टि भएका संगै गण्डकीमा कोरोना संक्रमितको कूल संख्या १५ हजार ९ सय ६३ पुगेको छ । जसमा २६३ सक्रिय संक्रमित छन् ।
पछिल्लो २४ घण्टामा गण्डकीबाट ३२ जना कोरोनामुक्त भएका छन् । यो संगै, प्रदेशमा कोरोनामुक्त हुनेको संख्या १५ हजार ५ सय १५ पुगेको छ, भने संक्रमणकै कारण गण्डकीमा हालसम्म २०५ जनाले ज्यान गुमाईसकेका छन् ।
