नेपाल अपाङ्ग समाज सेवा संघ नेपालले कास्कीमा अपाङ्गता भएका व्यक्तिहरुलाई राष्ट्रिय अपाङ्ग पुनस्र्थापना समाज काठमाण्डौको सहयोगमा निःशुल्क ह्वीलचियर, बैशाखी, ट्राईसाइकल वितरण गरेको छ ।
कार्यक्रमका प्रमुख अतिथि गण्डकी प्रदेश सभाका उपसभामुख माननिय सृजना शर्माले मानिस जन्मदा जस्तो जन्मिए पनि कसैको क्षमतालाई सम्मान गर्नु पर्ने बताउदैं नेपाल अपाङ्ग समाज सेवा संघ नेपालले गरेको काम सम्मानजनक रहेको जनाए । उनले अपाङ्गता भएका व्यक्तिहरुलाई सरकारले सधै सहयोग गर्ने र व्यक्तिगत रुपमा आफुले पनि सधै सहयोग गर्ने जानकारी दिए ।
कार्यक्रममा सहयोगी संस्था राष्ट्रिय अपाङ्ग पुनस्र्थापना समाजका उपाध्यक्ष सुमन भट्टराईले अपाङ्गता भएका व्यक्तिहरुलाई विभिन्न तालिमहरु दिईरहेको बताउदै देशभरका अपाङ्गता भएका व्यक्तिहरुलाइ विभिन्न सामनग्रीहरु पनि सहयोग गर्दै आएको जानकारी दिए । उनले पोखरामा सहयोगका लागि फेरी फेरी पनि आउने बताए ।
नेपाल अपाङ्ग समाज सेवा संघका अध्यक्ष बुद्धि बहादुर बाग्दास पन्तले अपाङ्गता भएका व्यक्तिहरुको प्रतिनिधित्व नभएकाले आफुहरुको गुनासो सुनिदिने कोही नभएको जानकारी दिए । उनले समाज घरपरिवारबाट अपहेलित हुनु परेको बताउदैं नीति बनाउने ठाँउमा आफ्नो प्रतिनिधित्व हुनु पर्नेमा जोड दिए । नेपाल अपाङ्ग समाज सेवा संघले अहिलेशिक्षा , आयआर्जन र सिप विकासमा जोड दिएको जानकारी दिए ।
उक्त कार्यक्रममा सामुदायिक सेवा एवं सामुदायिक प्रहरी सेवा जिल्ला समन्वय समितिका सह कोषाध्यक्ष प्रेम पहाडि, समाजसेवी गोपी तुलाचन, व्यवसायी दुर्गा श्रेष्ठ, समाजसेवी प्रकाश शर्मा, समाजसेवी दामोदर शर्मा लगाएतले नेपाल अपाङ्ग समाज सेवा संघले राम्रो काम गरेको र यस्ता काममा सबैले साथ दिनु पर्ने बताएका छन् ।
नेपाल अपाङ्ग समाज सेवा संघका अध्यक्ष बुद्धि बहादुर बाग्दास पन्तको अध्यक्षतामा सम्पन्न कार्यक्रममा स्वागत संस्थाका सदस्य प्रकाश सुचिकारले र सञ्चालन रुपा केसीले गर्नु भएको थियो ।
सम्बन्धित खबर
अन्नपूर्ण गाउँपालिकाको सार्वजनिक सुनुवाई: जनगुनासो र समृद्धिको मार्गचित्र
‘राष्ट्रिय मौलिक कौराहा संरक्षण पत्रकारिता पुरस्कार २०८२’ बाट पत्रकार श्रीष सम्मानित
जनकवि केशरी धर्मराज थापाको पोखरामा स्मरण
दूधमा प्रतिलिटर पाँच रुपैयाँ अनुदान: स्याङ्जाका किसानलाई करोडको राहत
जबरजस्ती करणी मुद्दाका फरार खुमा १५ महिनापछि पक्राउ
चिनियाँ पर्यटकलाई लक्षित गरी पोखरामा आधारभूत चिनियाँ भाषा तालिम
यो पनि पढौँ
तनहुँको अम्रेनीमा रोकिराखेको ट्रकमा ठोक्किँदा स्कूटर चालकको मृत्यु, एक घाइते
आइतबार गण्डकी प्रदेशमा सार्वजनिक बिदा
स्कूल बिदामा घर गएका बालकको खेतको आलीबाट लडेर मृत्यु
छोरेपाटन मावि अध्यक्षलाई कालोमोसो दल्ने योजनाकार सुजन बिक पक्राउ, २ जना खोज्दै पक्राउ