पोखरा – शुक्रबार पोखराका १५५ जनामा गरिएको परीक्षणमा थप २६ जनाको रिपोर्ट कोरोना पोजेटिभ आएको छ ।

प्रदेश स्वास्थ्य निर्देशनालयद्वारा जारी विज्ञप्ति अनुसार आज लाईफ केयर एण्ड डाईग्नोष्टिक प्रालि र क्षयरोग उपचार केन्द्र पोखरामा गरिएको परीक्षणमा कास्कीको पोखरा महानगरपालिकाका विभिन्न वडाका २६ जनाको रिपोर्ट कोरोना पोजेटिभ आएको हो । आज नै तनहुँको शुक्लागण्डकी नगरपालिका -८ का २ जना र म्याग्दी जिल्ला बेनी नगरपालिका -१ का थप १ जना गरी गण्डकीमा आज २९ जनामा कोरोना पुष्टि भएको छ ।

आज पुष्टि भएकासंगै गण्डकीमा कोरोना संक्रमितको कूल संख्या १६ हजार ४ सय ८० पुगेको छ । जसमा २७७ जना सक्रिय संक्रमित छन् ।

पछिल्लो २४ घण्टा गण्डकीबाट १५ जना कोरोनामुक्त भएका छन् । यो संगै, प्रदेशमा कोरनामुक्त  हुनेको संख्या १५ हजार ९ सय ९८ पुगेको छ भने, हालसम्म संक्रमणका कारण २०५ जनाले ज्यान गुमाएका छन् ।