लमजुङमा नयाँ वर्षको दिन मृत भेटिएका ७ वर्षका बालकको हत्या छिमेकीले गरेको खुलेको छ । दूधपोखरी गाउँपालिका–३ फुलिङगिरीका राजकुमार गुरुङका ७ वर्षीय छोरा युकेश गुरुङलाई छिमेकी ४८ वर्षीया फूलमाया विकले कुटपिट गरेको र खोल्सामा लगएर फालेको खुलासा भएको हो ।
ऐना फुटाएको निहुँमा फुलमायाले आमा नभएकी युकेशलाई कुटेकी थिइन् । आमाले छाडेर हिँडेपछि ७ वर्षीय बालक बुबा र हजुरआमासँगै बस्थे । उनी गाउँकै फुलिङगिरी प्रावि कक्षा २ मा पढ्थे ।
प्रहरीका अनुसार चैत ३० मा विद्यालय छुट्टी भएपछि उनी खेल्दै छिमेकीको घरमा पुगेका थिए । खेल्दाखेल्दै साथीकी आमाको ऐना भुइँमा झरेर फुटेको थियो । त्यही कारण फूलमायाले कुटपिट गर्दा युकेश बेहोस भएका थिए । युकेलाई त्यसपछि गायब पारिएको थियो ।
स्थानीयले वैशाख १ गते साँझ ५ बजेतिर घरदेखि अन्दाजी ३ सय मिटर टाढा रहेको खोल्सामा मृत अवस्थामा फेला पारे । जिल्ला प्रहरी कार्यालयका प्रमुख डीएसपी गंगाबहादुर थापाले बच्चा भएकाले भवितव्य हुन नसक्ने र उक्त ठाउँमा पुग्ने कुनै कारण नदेखिएकाले कर्तव्य नै हुनुपर्छ भनेर विभिन्न कोणबाट अनुसन्धान गर्दा घटनाको वास्तविकता पत्ता लागेको बताए ।
बालकको घाँटीमा केही चिजले प्रहार गरेको जस्तो देखिएपछि शवलाई पोस्टमार्टमका लागि पोखरा स्वास्थ्य विज्ञान प्रतिष्ठान ल्याइएको थियो । सोधपुछका क्रममा फूलमायाकै छोराले आमाका कारण घटना भएको बताएको र त्यसपछि १२ गते घरबाटै पक्राउ गरेको डीएसपी थापाले बताए । फुलमायालाई कानुनानुसार कारबाही प्रक्रिया अघि बढाइएको छ ।
सम्बन्धित खबर
स्याङ्जाको कफी बीउ जापान हुँदै अन्तरिक्ष पुगेर फर्कियो
कालीगण्डकी ‘ए’ जलविद्युत केन्द्रमा मर्मत, तीन दिन विद्युत उत्पादन बन्द
गण्डकी प्रदेशका प्रमुख सचिव घिमिरेविरुद्ध पोखरा विमानस्थल भ्रष्टाचार मुद्दा
कृषि लगानीमा लघुवित्त प्रभावकारी, जीवनस्तरमा सकारात्मक परिवर्तन
हरिनासमा आजदेखि आठौं अध्यक्ष कप खेलकुद प्रतियोगिता
पूर्वाधार नपुग्दा पञ्चासे भञ्ज्याङ सुनसान
यो पनि पढौँ
कास्कीको रुपामा बुबाको हत्या गरेको आरोपमा छोरा पक्राउ
पाेखरामा सुकुम्बासीको आन्दोलन घोषणा
पोखरा विमानस्थल भ्रष्टाचार प्रकरणमा पूर्वमन्त्री कार्कीसहित १४ जनाविरुद्ध मुद्दा दायर
सुदनको आरोप- ‘बालेनमा हिटलर र मुसोलिनी बन्ने सपना जागेको देखिन्छ’