तनहुँको ऋषिङमा ट्याक्टर दुर्घटना, एकको मृत्यु, दुई घाइते

तनहुँको ऋषिङमा ट्याक्टर दुर्घटना, एकको मृत्यु, दुई घाइते

accidentt

तनहुँ – ट्याक्टर दुर्घटना हुँदा एक जनाको मृत्यु हुनुको साथै दुई जना घाइते भएका छन्। बिहीबार बिहान अन्दाजी ८ बजेको समयमा जिल्लाको ऋषिङ गाउँपालिका वडा नं -४ मधुवनस्थित झापुटार-भिरकोट भित्री सडक खण्डमा दुर्घटना भएको हो ।

ना ६ त ४२०७ नंवरको ट्याक्टर अनियन्त्रित भइ सडकबाट अन्दाजी २५ मिटर तल खस्दा ट्याक्टरमा सवार सोही ठेगाना भएका २५ वर्षीय विर बहादुर बोटेको मृत्यु भएको प्रदेश प्रहरी कार्यालय पोखराले जनाएको छ। प्रहरीका अनुसार दुर्घटनामा परी गम्भीर घाइते भएका बोटेको उपचारको क्रममा मृत्यु भएको हो ।

यस्तै, दुर्घटनामा घाइते भएका १२ वर्षीय बालक तिलक श्रेष्ठ र १८ वर्षीय सुन्दर श्रेष्ठलाई थप उपचारको लागि पोखरास्थित मणिपाल शिक्षण अस्पताल लगिएको छ। 

हाल घटनास्थलमा खटिएको प्रहरीको टोलीले घटनाका सम्बन्धमा आवश्यक अनुसन्धान शुरु गरेको प्रहरीको भनाइ छ ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds